Brynneth Pawltro, nýkjörinn bæjarstjóri í smábænum Rabbit Hash í Kentucky, hefur fallegt bros og er sérlega viðkunnanleg. Hún sleikir líka þá sem hún hittir.
Brynneth, eða Brynn eins og hún er kölluð, er þriggja ára gömul tík af Pittbull-kyni. Hún er fjórði bæjarstjóri Rabbit Hash af hundakyni. Hún tók við stöðunni af Border collie-tíkinni Lucy Lou. Brynn naut yfirburðastuðnings í kosningunum og hlaut rúmlega 3.300 atkvæði. Þar með skaut hún kettinum Stellu og asnanum Higgins ref fyrir rass.
This adorable pit bull just got elected Mayor of Rabbit Hash, Kentucky! https://t.co/XrsO8Fkc6D pic.twitter.com/9Ye7mMtFFb
— NYCLASS (@nyclass) November 14, 2016
Forveri hennar í starfi naut mikillar hylli og um tíma ætlaði hún að gefa kost á sér til forseta.
Kosningarnar fóru reyndar fram á síðasta ári og Brynn tók við embættinu í byrjun árs en á síðustu dögum hefur fréttin um kjörið farið eins og eldur í sinu um netheima. Eigandi Brynn segir að hún ætli sér að stjórna af ást og friði.
Real convo about the mayor of Rabbit Hash:@Nancy_Daly: Is Lucy Lou retiring as mayor?
— Sarah Brookbank (@SarahBrookbank) August 31, 2016
Me: Yes, to run for president pic.twitter.com/0xDjL2rQ87
Í frétt AP-fréttastofunnar um málið segir að Rabbit Hash sé svo lítill bær að engin þörf sé í raun á bæjarstjóra. Íbúarnir hafi hins vegar ákveðið að efna til söfnunar til góðgerðarmála með uppátæki sínu. Í fyrra brann verslun bæjarins til kaldra kola og í kosningunum nú var því safnað til enduruppbyggingar hennar.