Fyrirtækið Arconic hefur ákveðið að hætta framleiðslu þilja sem ásamt einangrun mynduðu klæðninguna sem talin er hafa átt sök á því að eldur breiddist út á örskotsstundu um Grenfell-turninn í Lundúnum. Þilin hafa verið tekin úr sölu á heimsvísu.

Að minnsta kosti 79 létust í brunanum í vesturhluta höfuðborgarinnar.

Samkvæmt talsmönnum fyrirtækisins var ákveðið að taka svokölluð Reynobond PE-þil úr sölu vegna áhyggja af ósamræmi byggingareglugerða. Notkun þiljana í háhýsum er þegar bönnuð í Þýskalandi og Bandaríkjunum en ekki Bretlandi.

Í yfirlýsingu frá Arconic segir að fyrirtækið muni halda áfram að styðja rannsókn yfirvalda á Grenfell-brunanum.

Þilin sem notuð voru í klæðninguna á turninum voru keypt af Omnis Exteriors í Worcester, sem „framleiddi“ í raun klæðninguna með því að setja saman þilin og einangrun frá Celotex í Ipswich. Klæðningin var síðan sett upp af Harley Facades.

Ítarlega frétt um málið má finna hjá Guardian.

Tengdar fréttir

Grenfell-bruninn í Lundúnum

Slökkvilið áminnt vegna mistaka við Grenfell-brunann

• Sýknaður vegna myndbands af Grenfell-líkneski
• Brenndu líkneski af Grenfell-turninum
• Fékk 6 ára dóm fyrir svik vegna Grenfell
• Reiði og sorg vegna Grenfell brunans

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Hverjir eru morðingjarnir??