Breski tónlistarmaðurinn Jonathan King mætti fyrir dóm í dag, en hann hefur verið ákærður fyrir fjölda kynferðisbrota gegn drengjum.
Er King sakaður um 18 kynferðisbrot gegn alls níu drengjum á aldrinum 14 til 16 ára. Brotin áttu sér stað á árunum 1970 til 1986. King er 72 ára gamall í dag.
King var skælbrosandi þegar hann gekk út úr réttarsalnum í dag og gaf ljósmyndurum merki með því að setja báða þumlana upp þegar þeir smelltu af honum myndum. Spurður hvernig fyrirtakan hafi gengið sagði hann: „Frábærlega.“