Hvetja Norður-Kóreu til að hætta tilraunum
Setja bókamerki
Rússar og Kínverjar hafa hvatt Norður-Kóreu til að hætta eldflauga- og kjarnorkutilraunum. Stjórnvöld í Pyongyang tilkynntu í dag að ríkið væri orðið kjarnorkuveldi.
Xi Jinping, forseti Kína, fundaði með Vladimír Pútín Rússlandsforseta vegna málsins í Moskvu í dag.
Tilraunir Norður-Kóreu með langdrægar flaugar í nótt hafa verið fordæmar en norðurkóreski herinn skaut upp eldflaug skammt frá Panghyon-flugvellinum í nótt sem endaði för sína í Japanshafi 37 mínútum síðar.
Rússar og Kínverjar kalla einnig eftir því að hlé verði gert á vígbúnaðakapphlaupi Suður-Kóreu og Bandaríkjanna á suðurhluta Kóreuskaga.
Norður-Kórea segir að flaugin geti hitt skotmörk hvar sem er í heiminum. Stjórnvöld í Bandaríkjunum og Rússlandi fullyrða hins vegar að um meðaldræga flaug sé að ræða og að íbúum ríkja þeirra stafi ekki ógn af flauginni.
Undanfarna mánuði hafa yfirvöld í Pyongyang ítrekað gert kjarnorku- og eldflaugatilraunir sem hafa aukið spennuna á Kóreuskaga.
„Þetta er pínu óvanaleg staða“
Mest spennandi kosningar í áratugi
Fiskikóngurinn: „Mér fannst sárt að heyra það“
Átta morðmál á aðeins tólf mánuðum
Áverkar bentu til manndráps
Katrín: Jóhönnustjórnin talaði máli Íslands
Baldur: „Ég ætla að svara þessu kalli“