„Mikil ógnun og ögrun“
Setja bókamerki
Moon Jae-in, forseti Suður-Kóreu, kallar eftir hörðum refsiaðgerðum gegn grönnum sínum í Norður-Kóreu eftir eldflaugaskot þeirra aðfaranótt þriðjudags.
Moon fordæmdi ráðamenn í Pyongyang fyrir „mikla ögrun“.
Rex Tillerson, utanríkisráðherra Bandaríkjanna, sagði í gær að eldflaugaskotið væri ógn við heimsbyggðina. Flauginni var skotið upp skammt frá Panghyon-flugvellinum og endaði hún för sína í Japanshafi 37 mínútum síðar.
„Þetta er mikil ógnun og ögrun. Norður-Kórea ætti að hætta þessu nú þegar og þess vegna skoðum við alla möguleika varðandi refsiaðgerðir,“ sagði Moon, áður en hann ræddi við Angelu Merkel, kanslara Þýskalands, í Berlín.
Bandarískir embættismenn telja að Norður-Kóreumenn geti skotið eldflaug til Alaska. Sérfræðingar telja hins vegar hæpið að eldflaugin geti hitt skotmark af mikilli nákvæmni. Öryggisráð Sameinuðu þjóðanna kemur saman á neyðarfundi vegna málsins síðar í dag.
Réttlátara kerfi: Flestir fá 30 þúsund eða meira
Baldur: „Ég ætla að svara þessu kalli“
Áverkar bentu til manndráps
Segir nýtt frumvarp gefa eldisfyrirtækjum auðlindir
Katrín: Jóhönnustjórnin talaði máli Íslands
Búið að bólusetja börn alla helgina
Lögreglan rannsakar andlát konu í fjölbýlishúsi