20 ára fangelsisdómur fyrir morð
Setja bókamerki
Zaur Dadayev, tsjetsjenskur karlmaður sem var sakfelldur fyrir að hafa orðið stjórnarandstæðingnum Boris Nemtsov að bana fyrir tveimur árum, hlaut 20 ára fangelsisdóm. Hinir fjórir samverkamenn hans sem einnig voru sakfelldir fyrir sama morð hlutu 11 til 19 ára fangelsisdóm. Dómurinn var kveðinn upp í Moskvu í dag. BBC greinir frá.
Fjölskylda Boris Nemtsov óttast hins vegar að sá sem fyrirskipaði morðið muni aldrei nást. Hún segir að þangað til verði málið opið. Lögmenn fjölskyldunnar telja að valdamiklir einstaklingar frá Tsjetsjeníu sem eru hliðhollir Pútín standi á bak við morðið á Nemtsov.
Zaur Dadajev skaut Nemtsov, sem var aðstoðarforsætisráðherra Rússlands við hlið Boris Jeltsín á tíunda áratugnum, til bana skammt frá Rauða torginu í Moskvu 27. febrúar 2015. Nemtsov, sem var harður andstæður Vladimír Pútíns Rússlandsforseta, var aðeins 55 ára gamall.
Innviðir þandir og álagið „gríðarlegt“
Þrjú og hálft ár fyrir skotárás í Úlfarsárdal
Segir óábyrgt að skipta út öllu bankaráðinu
Starfsfólk gæti fengið reikning frá Skattinum
Sat á þaki byggingarinnar þegar eldurinn kviknaði
„Það er skiljanlegt að þolinmæði þeirra sé lítil“
Hafa samþykkt kaup fyrir um 9,2 milljarða