Berst fyrir rétti sínum til að deyja

Líknardráp eru aðeins leyfð á fáum stöðum í heiminum með ...
Líknardráp eru aðeins leyfð á fáum stöðum í heiminum með ströngum skilyrðum. mbl.is/Ásdís Ásgeirsdóttir

Yfirréttur Englands og Wales hefur nú hafið réttarhöld þar sem úrskurðað verður um hvort dauðvona Noel Conway eigi rétt á að fá aðstoð við að deyja. Conway vill að læknir skrifi upp á banvænan lyfjaskammt fyrir sig en í dag myndi viðkomandi læknir þurfa að sitja í fangelsi í 14 ár.

Úrskurður dómsins gæti orðið mikilvægt fordæmi og rutt leiðina fyrir líknardráp í Bretlandi.

Conway, sem er 67 ára og þjáist af hreyfitaugungahrörnun, vill fá leyfi til að deyja áður en heilsan hans versnar enn frekar. Hann segist vilja fá að kveðja sína nánustu á „réttum tíma en ekki vera í ástandi uppvaknings, í andlegum og líkamlegum sársauka.“

Fastur í eigin líkama

Conway er ellilífeyrisþegi og fyrrverandi háskólakennari sem var eitt sinn í góðu formi og lifði virkum lífstíl. Nú getur hann ekki labbað, þar sem sjúkdómurinn leggst á vöðvana og gerir þá veikari. Með hverjum degi sem líður treystir hann frekar á öndunarvél til að anda.

Hann óttast að því lengra sem sjúkdómurinn gangi, því meira muni hann festast í eigin líkama. Í samtali við BBC sagði hann: „Ég mun verða lamaður á öllum útlimum. Ég gæti orðið nánast stjarfur og hugsanlega í ástandi þar sem ég verð læstur inni - fyrir mér hljómar það eins og helvíti. Ég get ekki sætt mig við þá tilhugsun.“

Noel þjáist af hreyfitaugungahrörnun. Hann segist vilja fá að kveðja ...
Noel þjáist af hreyfitaugungahrörnun. Hann segist vilja fá að kveðja sína nánustu á „réttum tíma en ekki vera í ástandi uppvaknings, í andlegum og líkamlegum sársauka.” Skjáskot/Youtube.com

Conway er of veikburða til að vera viðstaddur réttarhöldin en lögfræðingar hans segja hann einfaldlega vilja fá réttinn til að deyja friðsælum og virðulegum dauða á meðan hann getur enn tekið þá ákvörðun. Samtökin Dignity in Dying styður fjárhagslega við mál Conway. Búist er við að úrskurðað verði í málinu á næstu fjórum daga.

Gæti rutt leiðina fyrir önnur sambærileg mál

Síðasta máli þar sem banni Bretlands gegn líknardrápum var mótmælt var neitað fyrir þremur árum af Hæstarétti Bretlands. Þar var komist að þeirri niðurstöðu að það væri hlutverk dómstóla að túlka lögin en ekki breyta þeim.

Árið 2015 neituðu þingmenn að leyfa líknardráp í Bretlandi og Wales og tóku þannig afstöðu til málsins í fyrsta sinn í tuttugu ár. Stuðningsmenn bannsins segja það þjóna þeim tilgangi að vernda þá sem eru veikburða og berskjalda.

Úrskurður dómsins gæti orðið mikilvægt fordæmi og þannig rutt leiðina fyrir líknardráp í Bretlandi. Líknardráp eru aðeins leyfð á fáum stöðum í heiminum með ströngum skilyrðum. Þá þarf læknir að hafa staðfest andlegt heilbrigði einstaklingsins. Oft þarf einstaklingur jafnframt að vera haldinn sjúkdóm sem veldur þjáningum og mun draga viðkomandi til dauða.

mbl.is

Frá Sýrlandi til Evrópu - Greinaflokkur

Heima er bezt tímarit
6. tbl. 2017 Þjóðlegt og fróðlegt Áskriftarsími 553 8200 www.heimaerbezt.net ...
Tvær sumarhúsalóðir og tveir hlutar í flugskýli til sölu.
Til sölu í kjarrivöxnu landi í Haukadal á Rangárvöllum tveir hlutar í flugskýli ...
Til sölu STIGA Garden sláttutraktor
Lipur, léttur og meðfærilegur. 12,5 ha. Briggs&Stratton mótor, rafstart, bakkgír...
ÚTI HRINGSTIGAR
Vantar stiga af svölunum ofan í garðinn ? Hringstigar 120, 140 og 160 cm þvermá...
 
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Árskógar 4 Smíðar/útskurður með leiðb. k...
Félagsstarf
Staður og stund
Árskógar 4 Smíðar/útskurður með leiðb. k...
Samkoma
Félagsstarf
Samkoma kl. 20 í Kristniboðs- salnum. R...