Biden skrifar um sonarmissinn

Joe Biden, fyrrverandi varaforseti Bandaríkjanna.
Joe Biden, fyrrverandi varaforseti Bandaríkjanna. AFP

Fyrrverandi varaforseti Bandaríkjanna, Joe Biden, hyggst gefa út endurminningar þar sem hann fjallar um það hvernig hann tókst á við missinn þegar sonur hans lést úr krabbameini árið 2015.

Bókin mun heita „Promise Me, Dad: A Year of Hope, Hardship and Purpose“ eða „Lofaðu mér, pabbi: ár af von, erfiðleikum og tilgangi“ og fer í sölu 14. nóvember næstkomandi. Samkvæmt frétt New York Times er titill bókarinnar vísun í setningu sem sonur Biden, Beau, sagði áður en hann lést.

„Lofaðu mér, pabbi. Gefðu mér orð þitt um að sama hvað gerist þá verðir þú í lagi,“ sagði Beau Biden í fjölskylduboði í nóvember 2014. Hann lést 30. maí 2015 úr heilakrabbameini. Beau hafði starfað sem rík­is­sak­sókn­ari Delawar­e-rík­is, en hann var 46 ára gam­all þegar hann lést.

Beau Biden var álit­inn rís­andi stjarna inn­an banda­rískra stjórn­mála og hugðist bjóða sig fram sem rík­is­stjóri Delaware árið 2016. Hann greind­ist upp­haf­lega með krabba­mein í heila í ág­úst 2013 og gekkst und­ir ár­ang­urs­ríka meðferð. Meinið gerði hins veg­ar aft­ur vart við sig sem leiddi til dauða hans.

Biden sagði í yfirlýsingu að hann vonaðist til þess að bókin snerti strengi annarra Bandaríkjamanna sem hefðu gengið í gegnum svipaða hluti. „Ég hef alltaf verið heppinn með frábært stuðningsnet í kringum mig, og ég veit að margir í þessu landi ganga í gegnum mun verri hluti með mun minni stuðning,“ skrifaði hann. 

Hinn 74 ára gamli Biden starfaði sem varaforseti Baracks Obama Bandaríkjaforseta, öll átta árin sem hann sat sem forseti. 

mbl.is

Frá Sýrlandi til Evrópu - Greinaflokkur

Höfuðverkur, endalaus þreyta, svefnleysi
Er með til leigu OZONE lofthreinsitæki ( margir kalla þetta JÓNAR tæki ). Eyði...
SómaJulla
Sóma Julla, Selva mótor 60hp, dýptarmælir, GPS, 2 rafgeymar, rafmagnsdæla, handd...
 
Kennarar óskast
Önnur störf
Kennarar óskast Handverks- og hússtjór...
Aðalfundur
Fundir - mannfagnaðir
Aðalfundur Hollvinasamtaka Heilsustofn...
Deiliskipulag
Tilboð - útboð
Kjósarhreppur Kjósarhreppur a...
Skrifstofustjóri
Stjórnunarstörf
Skrifstofustjóri óskast til starfa hjá ...