Theresa May, forsætisráðherra Bretlands og formaður Íhaldsflokksins, sagði þingmönnum flokksins að hætta öllu baktali. Annars ættu þeir á hættu að Jermemy Corbyn, leiðtogi Verkamannaflokksins, komist til valda.

Fréttastofa Sky fjallar um málið. Eftir tilraun May til að styrkja umboð sitt til að semja um útgöngu Breta úr Evrópusambandinu mistókst hafa sumir af ráðherrum flokksins verið ófeimnir við að tjá sig opinberlega um andstöðu sína við Brexit og útgjöld ríkisins. Segir Sky ráðherrana búast við að dagar May í embætti verði fljótt taldir.

Í veislu á vegum þingflokksins sagði May þingmönnum að það eigi ekki að vera „neitt baktal, ekkert rifrildi“.

„Valið stendur um mig eða Jeremy Corbyn – og enginn vill hann,“ sagði May við þingmenn að því er Daily Mail hefur eftir heimildamanni. „Farið nú og njótið almennilega sumarfrís og komið svo aftur tilbúnir að takast á við alvöruna.“

Þá varaði hún ráðherra við því að efni ríkisráðsfunda eigi ekki að leka í fjölmiðla og öllum deilum fyrir opnum tjöldum verði að ljúka.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt