Reiðubúin að koma fyrir þingið
Setja bókamerki
Rússneski lögmaðurinn sem fór á fund með syni Donalds Trumps Bandaríkjaforseta er reiðubúinn að koma fyrir bandaríska þingið og bera vitni, þá og því aðeins að öryggi verði tryggt.
Natalia Veselnitskaya hitti Donald Trump yngri í júní 2016 en hann mun hafa haldið að Veselnitskaya byggi yfir upplýsingum frá rússneskum yfirvöldum sem kæmu sér illa fyrir þáverandi forsetaframbjóðanda Demókrataflokksins, Hillary Clinton. Paul Manafort, fyrrverandi kosningastjóri, og Jared Kushner, tengdasonur og ráðgjafi forsetans, sóttu einnig fundinn.
Í viðtali við rússnesku fréttastofuna RT sagði Veselnitskaya að hún væri reiðubúin að tala við þingið um fundinn en aðeins ef öryggi hennar yrði tryggt. Hún hefur neitað að hún hafi starfað á vegum rússneskra yfirvalda og Trump yngri heldur því fram að engar viðkvæmar upplýsingar hafi farið þeirra á milli.
Fundur Trumps yngri og Nataliu Veselnitskaya hefur orðið að miklu hneykslismáli vestanhafs og þykir styrkja grunsemdir um að samráð hafi verið milli framboðs Donalds Trumps og yfirvalda í Rússlandi fyrir forsetakosningarnar í nóvember 2016.
Stórbruni í Kaupmannahöfn: Børsen í ljósum logum
Íslenska ríkið dæmt brotlegt
Forsetafylgismenn dregnir í dilka
Ekki orðinn þreyttur á vöfflukaffi
„Sárt að horfa upp á þetta“
Gleymir seint deginum sem skriðurnar féllu
„Ég læt ekki skoðanakannanir ráða för“