Sver af sér öll tengsl
Setja bókamerki
Jared Kushner, tengdasonur Donald Trump forseta Bandaríkjanna, sver af sér öll óeðlileg tengsl við rússnesk stjórnvöld. Þetta kemur fram í 11 blaðsíðna yfirlýsingu sem hann sendi frá sér vegna ásakana um meint tengsl kosningaframboðs Trump við rússneska ráðamenn. Yfirlýsingin birtist í New York Times.
Kushner greinir hins vegar frá því að hafa átt í samskiptum við Sergey Kislyak, rússneska sendiherrann, og fleiri Rússa í tengslum við kosningabaráttuna árið 2016. Hann hafi alls átt fjórum sinnum í samskiptum við rússneska ráðamenn meðan á kosningabaráttu Trumps stóð.
„Ég tók ekki þátt í neinu samsæri með neinni erlendri ríkisstjórn né veit ég um nokkurn annan sem gerði slíkt í kosningabaráttunni,“ áréttar Kushner í yfirlýsingunni.
Í dag mun hann sitja fyrir svörum hjá einni af nefndum Bandaríkjaþings vegna rannsóknar á meintum tengslum kosningaframboðs Trumps við rússneska ráðamenn.
Fjárfestingin 115 milljarðar króna
Aukin tíðni þungunarrofa hjá yngsta aldurshópnum
Kvikan virðist nú skiptast til helminga
„Menn eru bara búnir að forgangsraða“
Benda á Samgöngustofu sem bendir út í heim
Markaðurinn hitnar og leiguverð hækkar hratt
Segir óábyrgt að skipta út öllu bankaráðinu