Trump lætur Priebus taka pokann sinn
Setja bókamerki
Donald Trump Bandaríkjaforseti hefur skipað John Kelly, ráðherra heimavarnamála, nýjan starfsmannastjóra Hvíta hússins. Kelly tekur þar með við af Reince Priebus, sem Trump virðist þar með búinn að reka úr starfi.
Líkt og oft áður nýtti Trump sér samskiptamiðilinn Twitter til að kynna mannaskiptin.
Priebus hefur verið undir miklum þrýstingi undanfarið og hefur nýr samskiptastjóri Hvíta hússins, Anthony Scaramucci, m.a. ítrekað gefið í skyn að Priebus beri ábyrgð á upplýsingaleka úr Hvíta húsinu.
Trump sendi frá sér röð Twitter-skilaboða nú í kvöld, þar sem hann lofar Kelly í hástert sem „frábæran Banaríkjamann“ og „frábæran leiðtoga“.
„John hefur unnið stórkostlegt starf í heimavarnaráðuneytinu. Hann hefur verið sönn stjarna í stjórn minni,“ sagði forsetinn.
Í þriðju Twitter-skilaboðunum lofaði hann Priebus. „Mig langar að þakka Reince Priebus fyrir störf sín og hollustu við þjóðina. Við komum miklu í verk saman og ég er stoltur af honum.“
Mun fara sparlega með málskotsréttinn
Mikilvægt að vera á tánum
Hæstiréttur staðfestir vanhæfi alls Landsréttar
29 nautgripir fundust dauðir
Hyggjast leyfa fólki að skoða gosið
„Búið að vera í dreifingu í einhvern tíma“
Spursmál: Fyrsta stóra viðtal Katrínar
Aðkoman í gripahúsið mjög slæm