Trump gefur eftir
Setja bókamerki
Donald Trump Bandaríkjaforseti er samþykkur og hefur í hyggju að undirrita lagafrumvarp sem gerir þinginu kleift að hindra forsetann í að aflétta þvingunum gegn Rússlandi. Í frumvarpinu er kveðið á um hertar refsiaðgerðir gegn Rússum, Íran og Norður-Kóreu.
Hvíta húsið mótmælti upphaflega ákvæðum þar sem kveðið var á um að forsetinn þyrftu að leita til þingsins áður en hann aflétti umræddum refsiaðgerðum.
Að sögn Söruh Huckabee Sanders, fjölmiðlafulltrúa forsetans, yfirfór forsetinn upphaflegu drögin og náði að semja um ákveðin atriði, og hefur nú lagt blessun sína yfir lokaútgáfuna.
Lögin hafa vakið hörð viðbrögð í Rússlandi en þarlend stjórnvöld hafa skipað Bandaríkjunum að fækka starfsmönnum sínum í landinu um niður í 455. Þeir eru nú um 1.000 talsins. Þá tilkynnti rússneska utanríkisráðuneytið að einu sumarhúsa sendiráðsins nærri Moskvu yrði lokað og afturkallaði aðgang að vöruhúsi.
Ítarlega frétt um málið má finna hjá Guardian.
Ofsóttur innan veggja Boeing
Þrjú og hálft ár fyrir skotárás í Úlfarsárdal
„Menn eru bara búnir að forgangsraða“
Hafa samþykkt kaup fyrir um 9,2 milljarða
Segir óábyrgt að skipta út öllu bankaráðinu
Benda á Samgöngustofu sem bendir út í heim