Segir Kínverja „EKKERT“ hafa gert
Setja bókamerki
Tengdar fréttir
Norður-Kórea
Donald Trump virðist hafa súrnað í afstöðu sinni til Kína og sakar ráðamenn þar í landi um að gera „EKKERT“ til að hjálpa með Norður-Kóreu. Twitter var að sjálfsögðu sá vettvangur sem Bandaríkjaforseti valdi til að koma skoðun sinni á framfæri og sagði hann Kína hafa valdið sér miklum vonbrigðum.
Trump leitaði á samskiptamiðla í kjölfar þess að stjórnvöld í Norður-Kóreu fögnuðu annarri tilraun sinni með langdræga eldflaug á föstudag, sem ríkismiðlar þar í landi sögðu viðvörun til „skepnulegra bandarískra heimsvaldasinna“.
Á laugardag sakaði Rex Tillerson, utanríkisráðherra Bandaríkjanna, Kínverja og Rússa um að vera efnahagslega meðvirka með ráðamönnum í Norður-Kóreu og sagði þá bera ábyrgð á herskárri kjarnorkuáætlun landsins.
Dali Yang, sérfræðingur í kínverskum stjórnmálum við Chicago-háskóla, sagði tíst forsetans að hluta miða að því að beina athyglinni frá erfiðleikum sínum í tengslum við afnám Obamacare.
Hann sagði stjórnvöld í Kína hins vegar þurfa að ákveða hvernig þau hygðust taka á málum, nú þegar athygli Bandaríkjaforseta væri aftur á heimsmálunum.
„Þetta er forsetinn, enn á ný, að stjórna utanríkismálastefnu sinni með því að tísta,“ hefur Guardian eftir Yang.
Kínverjar hafa ekki brugðist við ummælum Trump, enn sem komið er.
Tengdar fréttir
Norður-Kórea
Ísraelar hefna árásarinnar
Gerir ráð fyrir 150 samningum í næstu viku
29 nautgripir fundust dauðir
Sárt að horfa upp á illa meðferð fjármuna
Ekki byggt í takt við áform sveitarfélaga
Þrjú og hálft ár fyrir skotárás í Úlfarsárdal
Hyggjast leyfa fólki að skoða gosið