„Hataðasti maður Bandaríkjanna“ fundinn sekur

Martin Shkreli gengur út úr dómshúsi í dag eftir að ...
Martin Shkreli gengur út úr dómshúsi í dag eftir að hafa verið fundinn sekur um fjársvik, en sýknaður af alvarlegum ákærum um samsæri. AFP

Kviðdómur hefur dæmt fyrrverandi vogunarsjóðsstjóra og forstjóra lyfjafyrirtækisins Turing Pharmaceuticals, Martin Shkrelis, sekan fyrir stórfelld fjársvik. Hann var hins vegar sýknaður af alvarlegustu ákæruliðunum um samsæri með að hafa sett upp svikamyllu fyrir fjárfesta. 

Shkreli komst í fréttirnar þegar hann keypti réttinn á al­næm­is­lyf­inu Daraprim og hækkaði verðið fimm­tíufalt í einni svip­an. Síðan þá hef­ur hann verið þekkt­ur sem „hataðasti maður Banda­ríkj­anna.“

Shkreli var ánægður með niðurstöðuna þegar hann ræddi við fjölmiðla eftir dómsuppkvaðninguna í dag. Sagði hann að um væri að ræða nornaveiðar af hálfu ákæruvaldsins og þó þeir hafi fundið eitt eða tvö atriði sem væru smávægileg væri hann sýknaður af því alvarlegasta.

Ef Shkreli hefði verið fundinn sekur um að hafa stolið 11 milljónum dala af hlutabréfum í lyfjafyrirtækinu Retrophin, sem hann stofnaði áður, til að greiða fjárfestum sem höfðu tapað fjármunum hjá vogunarsjóðinum sem Shkreli stjórnaði, hefði hann getað átt yfir höfði sér allt að 20 ára fangelsi.

mbl.is

Bloggað um fréttina

Frá Sýrlandi til Evrópu - Greinaflokkur

Iðnaðarhúsnæði óskast
Erum að leita af iðnaðarhúsnæði til leigu, 200-400m2 á höfuðborgarsvæðinu með há...
UNDIR ÞESSU MERKI SIGRAR ÞÚ
Hálsmen úr silfri 6.900 kr., gulli 49.500 kr., (silfur m. demanti 11.500 kr., g...
STURTUKERRUR _ STURTUKERRUR
Sturtukerrur, rafdrifnar, fjarstýring, sturta aftur og til beggja hliða, hæð sk...
 
Aðalfundur
Fundir - mannfagnaðir
Aðalfundur Skúlagarðs hf. vegna reikn...
Tillaga
Tilkynningar
Tillaga að matslýsingu Í samræmi við l...
Deiliskipulag
Tilkynningar
Skútustaðahreppur Auglýsing um deilis...
Kröflulína
Tilkynningar
Mynd af auglýsingu ...