Dæmdur kynþáttaníðingur látinn

Ernst Zündel.
Ernst Zündel. AFP

Þekktur og dæmdur gyðingahatari sem hefur alltaf neitað því að helförin hafi átt sér stað, Ernst Zündel, er látinn 78 ára að aldri. Hann var dæmdur í fimm ára fangelsi í Þýskalandi árið 2007 fyrir að hvetja til kynþáttaníðs.

Zündel var einn helsti leiðtogi hreyfingar þeirra sem neita tilurð helfararinnar. Hann lést á laugardag á heimili sínu í bænum Bad Wildbad í suðvesturhluta Þýskalands. 

Ernst Zündel bjó áratugum saman í Kanada en var vísað úr landi árið 2005 fyrir hatursfullar skoðanir sínar. Hann var hnepptur í varðhald við komuna til Þýskalands og sat í gæsluvarðhaldi þar til dómur féll yfir honum 2007. Hann var látinn laus árið 2010

Fyrir dómi í Mannheim á þeim tíma var bent á afneitanir hans í fjórtán liðum á vef hans. Þar neitaði hann sögulegum staðreyndum um helförina og hvatti til ofsókna gegn gyðingum.

Zündel sem titlaði sig sagnfræðing skrifaði bók um Hitler - manninn sem við elskuðum og hvers vegna (The Hitler We Loved and Why). Þar lýsir hann nasistaforingjanum sem manni friðar.

Réttarhöldin yfir gyðingahataranum vöktu mikla eftirtekt, ekki síst fyrir að einn af lögfræðingum hans, Sylvia Stolz, var einnig dæmd í fangelsi. Dóminn hlaut hún fyrir að segja við réttarhöldin að slátrun nasista á evrópskum gyðingum væri stærsta lygi sögunnar.

Stolz heilsaði einnig að hætti nasista við réttarhöldin. Hún hlaut þriggja og hálfs árs fangelsisdóm og var bannað að starfa sem lögmaður í fimm ár. 

Í mörgum ríkjum Evrópu er saknæmt að afneita helförinni - þar á meðal í Þýskalandi og Austurríki.

mbl.is

Frá Sýrlandi til Evrópu - Greinaflokkur

Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
útskorið og flott sófaborð
er með fallegt sófaborð útskorið með svartri glerplötu á 35,000 kr sími 869-2798...
 
Leiðsögumaður
Ferðaþjónusta
Leiðsögumaður óskast Glacier Adventure...
L helgafell 6017121319 vi
Félagsstarf
? HELGAFELL 6017121319 VI Mynd af au...
Framhald
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...