Yfirvöld í Norður-Kóreu fordæma nýja samþykkt öryggisráðs Sameinuðu þjóðanna sem á laugardag samþykkti hertar viðskiptaþvinganir á Norður-Kóreu vegna eldflaugatilrauna ríkisins.

Í yfirlýsingu sem birt var af ríkisfréttastofu Norður-Kóreu kemur fram að ekki komi til greina að taka þátt í samningaviðræðum um kjarnorkuvopnaáætlun landsins á meðan Bandaríkin hefðu í hótunum.

Telur N-Kórea að með viðskiptaþvingunum sé verið að brjóta alvarlega á sjálfstæði landsins. Með viðskiptaþvingunum má búast við verulegum samdrætti í útflutningstekjum Norður-Kóreu en þær nema um þremur milljörðum Bandaríkjadala á ári. Er talið að þær muni dragast saman um einn milljarð dala á ári. Má þar nefna útflutning á hrávöru, fiski og öðrum sjávarafurðum.

Öll ríkin fimmtán sem eiga sæti í öryggisráðinu greiddu atkvæði með hertum viðskiptaþvingunum, þar á meðal Rússar og Kínverjar sem hafa verið helstu bandamenn Norður-Kóreu í gegnum tíðina.

Tengdar fréttir

Norður-Kórea

Zhao heimsækir Norður-Kóreu

• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu
• N-Kórea skaut í átt að suðurkóreskum eyjum

» Fleiri tengdar fréttir

• Blogga um frétt