Gerðu húsleit hjá fyrrverandi ráðgjafa Trump
Setja bókamerki
Bandaríska alríkislögreglan, FBI, gerði húsleit eldsnemma að morgni á heimili fyrrverandi kosningaráðgjafa Donalds Trump. Húsleitin var gerð þann 26. júlí á heimili Paul Manafort í Virginíu og var lagt hald á ýmis gögn, að því er fram kemur í frétt Washington Post. Degi áður en húnsleitin fór fram hafði Manafort sjálfviljugur mætt fyrir leyniþjónustunefnd öldungadeildar Bandaríkjaþings.
Manafort hætti sem kosningaráðgjafi Trumps áður en til forsetakosninganna kom. Hann hafði þá þegar verið ásakaður um tengsl við Rússa.
FBI rannsakar nú tengsl ýmissa aðila er tengjast Trump og hans kosningabaráttu vegna gruns um tengsl þeirra við Rússa sem svo aftur eru grunaðir um að hafa blandað sér í kosningabaráttuna með ólögmætum hætti.
Í frétt Washington Post segir að húsleitarheimildin hafi verið víðtæk og því hafi Robert S. Mueller, sem fer fyrir rannsókninni fyrir hönd FBI, farið af vettvangi með margvísleg gögn. Talsmaður Manafort staðfestir að húsleitin hafi farið fram og að Manafort hafi verið samvinnuþýður.
Manafort hafði áður lagt fram gögn fyrir þingnefndina af fúsum og frjálsum vilja. Í frétt Washington Post segir að mögulega hafi FBI talið að Manafort hafi haldið eftir einhverjum gögnum og því hafi húsleitin verið gerð degi eftir að hann kom fyrir þingnefndina.
„Mér finnst Halla Hrund svona Vigdísarleg“
Búið að bólusetja börn alla helgina
Myndir: Reynir við heimsmet í Hlíðarfjalli í dag
Áköf mótmæli í bandarískum háskólum
Sáttur við sína stöðu og finnur fyrir meðbyr
Myndskeið: „Fólk var komið ískyggilega nálægt“
Katrín: Jóhönnustjórnin talaði máli Íslands
/frimg/1/48/63/1486389.jpg)
Halla ekki verið að taka harða afstöðu