Að minnsta kosti fimm flóttamenn drukknuðu og 50 er saknað eftir að smyglarar skipuðu 180 flóttamönnum að fara frá borði skammt frá Jemen. Í gær drukknuðu 29 flóttamenn við svipaðar aðstæður.

Alþjóðastofnun innflytjendamála (InternationalOrganization for Migration (IOM), segir í tilkynningu að verið væri að hlúa að 25 af flóttamönnunum sem voru neyddir frá borði í morgun á ströndinni í Jemen. Ekki hefur fengist staðfest þjóðerni fólksins. 

Í gær neyddu smyglarar 120 Sómala og Eþíópíubúa frá borði skammt frá Jemen en afar vont var í sjóinn. 29 drukknuðu og 22 er enn saknað. Smyglararnir henda fólkinu frá borði til þess að komast hjá handtöku fyrir að smygla fólki. 

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt