Tala látinna, eftir lestarslys í útjaðri borgarinnar Alexandríu í Egyptalandi, hefur hækkað í 40. Að minnsta kosti 133 eru slasaðir og þar af 13 alvarlega. Þetta staðfestir Magdy Hegazy, aðstoðarheilbrigðisráðherra, við Egypt Today.
Samkvæmt ferðamálaráðuneyti Egyptalands orsakaðist slysið líklega af bilun í annarri lestinni sem gerði það að verkum að hún stöðvaðist á teinunum. Hin lestin skall svo á hana. Önnur lestin var á leið frá Kaíró til Alexandríu og hin frá Port Said til Alexandríu.
Að sögn heilbrigðisráðuneytis fóru 75 sjúkrabílar á vettvang til þess að hlúa að særðum og allir spítalar í Alexandríu voru í viðbragðsstöðu. Þetta er mannskæðasta lestarslys í Norður-Afríku frá því að lest skall á skólabíl í nóvember 2012 og 47 létust.
Alexandria train collision death toll rises to 40
— Egypt Today Magazine (@EgyptTodayMag) August 11, 2017
#EgyptToday #Egypt #Alexandria #traincollision #الاسكندريةhttps://t.co/Eh2f1yz3bK