Neyðarástandi hefur verið lýst yfir í Charlottesville í Virginíuríki í Bandaríkjunum vegna átaka á milli hægri þjóðernissinna og andstæðinga þeirra. Til átakanna kom vegna fyrirhugaðs fjöldafundar þjóðernissinna í borginni.

Óeirðarlögreglan reynir nú að ná tökum á ástandinu, en einhverjir hafa slasast á átökunum, samkvæmt frétt Guardian.

Terry McAuliffe, ríkisstjóri í Virginíu, hefur lýst yfir neyðarástandi á meðan lögreglan reynir að ná tökum ástandinu. Lögreglan hefur lýst því yfir að fjöldafundurinn sé ólöglegur.

Til átaka kom einnig á milli hópanna í gær þegar hundruð þjóðernissinna gengu fylktu liði með kyndla að háskólanum í Virginíu þar sem þeir mótmæltu því að stytta af Robert E. Lee, hershöfðingja Suðurríkjanna, yrði fjarlægð.

Tengdar fréttir

Mótmæli í Virginíu

Nýnasisti á ekki kost á reynslulausn

• Nýnasisti fékk lífstíðardóm
• Nýnasisti á leið fyrir dóm
• Ákærður fyrir hatursglæpi
• Hellti sér yfir Trump

» Fleiri tengdar fréttir

• Blogga um frétt