Trump valdi ekki aukinni spennu
Setja bókamerki
Xi Jinping, forseti Kína, hefur hvatt Donald Trump Bandaríkjaforseta til að komast hjá „orðum og aðgerðum“ sem geta valdið aukinni spennu í málefnum Norður-Kóreu.
Trump og Norður-Kóra hafa skipst á hótunum að undanförnu og skemmst er að minnast þess þegar Trump hótaði að láta rigna „eldi og brennisteini“ yfir landið.
Kínverjar, sem er eina stórveldið sem hefur stutt Norður-Kóreu, hvetur til stillingar í deilunni.
Í yfirlýsingu frá Hvíta húsinu kemur fram að Bandaríkin og Kína hafi samþykkt að Norður-Kórea verði að hætta „ögrandi og stigmagnandi hegðun“.
Samkvæmt kínverskum ríkisfjölmiðlum sagði Jinping við Trump á símafundi að „allir viðkomandi aðilar“ verði að komast hjá „orðum og aðgerðum“ sem geta valdið aukinni spennu, að því er BBC greindi frá.
Hann lagði einnig áherslu á að Kínverjar og Bandaríkjamenn deila sömu hagsmunum sem fela í sér fækkun kjarnorkuvopna og að halda friði á Kóreuskaganum.
Trump hefur áður lýst yfir óánægju sinni með aðild Kínverja að málefnum Norður-Kóreu og sagt að ríkið geti staðið sig mun betur í þeim efnum.
Átta morðmál á aðeins tólf mánuðum
Katrín: Jóhönnustjórnin talaði máli Íslands
Áköf mótmæli í bandarískum háskólum
Fara ekki lengur fram á einangrun yfir Davíð
„Þetta náttúrulega endar með ósköpum“
Sáttur við sína stöðu og finnur fyrir meðbyr
„Þetta er pínu óvanaleg staða“