Blaðakonan fannst ekki í kafbátnum

Sænska blaðakonan Kim Wall.
Sænska blaðakonan Kim Wall. AFP

Sænska blaðakonan sem saknað hefur verið síðan á fimmtudag fannst ekki um borð í kafbátnum sem hífður var upp af botni Eyrarsunds í gærdag. Þetta segir Jens Møller, sem fer fyrir rannsókn Kaupmannahafnarlögreglunnar á málinu.

„Við fundum engan í bátnum, hvorki dauðan né lifandi,“ sagði Møller á blaðamannafundi nú fyrir skemmstu. Þá sagði hann einnig að sá grunaði í málinu, kafbátaeigandinn Peter Madsen, hefði gefið mismunandi skýringar varðandi það hvort hann hefði látið blaðakonuna í land á fimmtudag eður ei, en það sagðist hann hafa gert í fyrstu.

Sökkt af ásettu ráði

Tæknideild lögreglunnar vinnur nú við að rannsaka bátinn betur og lítur lögreglan á hann sem mögulegan vettvang glæps.

Møller sagði einnig frá því að lögreglan teldi nú að Madsen hefði sjálfur sökkt bátnum, samkvæmt umfjöllun Berlingske tidende.

„Það lítur út fyrir að kafbátnum hafi verið sökkt af ásettu ráði.“

Snemma í fyrradag hófst leit að kaf­bátn­um, sem talið var að hefði horfið kvöldið áður í Eyra­sundi. Maður sænsku blaðakon­unn­ar hafði látið lög­reglu vita af hvarfi henn­ar á fimmtu­dags­kvöld.

Einn stærsti heimasmíðaði kafbátur heims

Kon­an heit­ir Kim Wall og er þrítug. Hef­ur hún skrifað fyr­ir New York Times, Guar­di­an og Vice Magaz­ine, að því er BBC grein­di frá í gær.

Kaf­bát­ur­inn nefnist Nautilus og er einn stærsti heima­smíðaði kaf­bát­ur heims. Hann fannst í flóa í Køge, um 50 kíló­metr­um frá dönsku höfuðborg­inni, þar sem talið var að hann hefði sokkið.

Madsen var bjargað en hvorki tang­ur né tet­ur hefur fundist af kon­unni.

mbl.is

Frá Sýrlandi til Evrópu - Greinaflokkur

www.skutla.com sendibílar 867-1234
Rafknúin tröpputrilla fyrir ísskàpinn, þvottavélina, þurrkarann o.fl. Skutl, vör...
Lincoln Capri Landau árg. 1957
Bíllinn er lítið ekinn og aðeins tveir eigendur frá upphafi í USA og einn hér he...
Armbönd
...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
Framhald
Nauðungarsala
Uppboð Einnig birt á www.naudungarsolu...
Aðalfundur
Fundir - mannfagnaðir
Aðalfundur Aðalfundur Vör...
Framhald uppboðs
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...