„Yfirþyrmandi einsemd“ í N-Kóreu
Setja bókamerki
Kanadískur prestur sem nýlega var sleppt lausum úr haldi Norður-Kóreumanna upplifði „yfirþyrmandi einsemd“ við erfiðar aðstæður á meðan hann var í fangabúðum í tvö og hálft ár.
Hyeon Soo Lim, 62 ára, var fundinn sekur í janúar 2015 um að hafa tekið þátt í því með Bandaríkjamönnum og Suður-Kóreumönnum að dreifa áróðri um mannréttindamál í Norður-Kóreu og sverta ímynd landsins.
Maðurinn var leystur úr haldi af heilsufarsástæðum fyrr í mánuðinum.
„Frá fyrsta degi sem ég var í haldi og til þess síðasta borðaði ég 2.757 máltíðir í einangrun, einn með sjálfum mér. Það var erfitt að sjá hvenær og hvernig þessi þrekraun myndi enda,“ sagði Soo Lim.
„Á veturna var ég látinn grafa holur sem voru einn metri í þvermál og eins metra djúpar. Jörðin var frosin. Leðjan var svo hörð að það tók mig tvo daga að grafa eina holu.“
Hann bætti við: „Þetta var ótrúlega erfitt. Efri hluti líkamans svitnaði, ég var kalinn á tánum og fingrum. Ég vann einnig í kolageymslu við að brjóta í sundur kol.“
Myndskeið: „Fólk var komið ískyggilega nálægt“
Búið að bólusetja börn alla helgina
Átta morðmál á aðeins tólf mánuðum
„Þetta náttúrulega endar með ósköpum“
Tæknideild komin norður vegna andlátsins
Segir nýtt frumvarp gefa eldisfyrirtækjum auðlindir
Áverkar bentu til manndráps