Kafbátseigandinn Peter Madsen ætlar ekki að kæra gæsluvarðhald sem hann var úrskurðaður í á laugardag. Madsen hefur verið ákærður fyrir manndráp af gáleysi eftir að sænska blaðakonan Kim Walls, sem var gestur hans í kafbátnum, hvarf sporlaust. 

Madsen var úrskurðaður í 24 daga gæsluvarðhald en lögreglan telur að hann beri ábyrgð á dauða Walls þrátt fyrir að lík hennar hafi ekki fundist og engar vísbendingar séu um hvar hana er að finna. 

Walls fór um borð í bátinn UC3 Nautilus ásamt Madsen á fimmtudagskvöld. Madsen heldur því fram að Walls hafi farið frá borði síðar en lögreglan hefur ekki fundið neinar vísbendingar í þá veru. 

Báturinn sökk í Køge-flóa á föstudag en þá hafði Madsen verið bjargað um borð í vélbát. Hann segir tæknileg vandamál hafa komið upp sem urðu til þess að báturinn sökk. Bátnum var komið á þurrt um helgina. Hvorki tangur né tetur af Walls fannst um borð en rannsókn á bátnum verður fram haldið í dag. 

Lögreglan leitar enn Walls og hóf m.a. í gær leit í Køge-flóa, sunnan Kaupmannahafnar. 

Madsen neitar enn sök en lögmaður hans segir hann hafa ákveðið að kæra ekki gæsluvarðhaldsúrskurðinn.

Frétt Danska ríkissjónvarpsins um málið.

Tengdar fréttir

Sænska blaðakonan Kim Wall myrt

Peter Madsen hlaut 21 mánaðar dóm

• Danir herða öryggisgæslu í fangelsum
• Peter Madsen reyndi að flýja
• Ný þáttaröð um kafbátamálið sem skók allan heiminn
• Segir Madsen góða fyrirmynd

» Fleiri tengdar fréttir

• Blogga um frétt