Leikkonan og fyrrverandi eiginkona söngvara Rolling Stone, Bianca Jagger, tók þátt í mótmælum í dag gegn byggingu meiriháttar skurðar í heimalandi sínu, Níkaragva. Talið er að um 30.000 til 120.000 manns muni þurfa að yfirgefa heimili sín vegna framkvæmdanna.
Bianca gekk til liðs við mótmælendur sem gengu í bænum La Fonesca og mótmæltu framkvæmdum skurðarins en bærinn og nágrenni hans mun að öllum líkindum leggjast í rúst í vegna verkefnisins.
„Ég er hér til þess að gefa þeim stuðning minn og sýna þeim að þau eru ekki ein, að málsstaður þeirra er réttlátur,“ sagði Jagger í viðtali við AFP fréttastofuna.
Bað hún forseta Níkaragva, Daniel Ortega, að hætta við verkefnið. Yfirvöld í landinu hafa gefið kínversku fyrirtæki leyfi til þess að byggja skurðinn sem þau vona að muni veita Panama skurðinum samkeppni.