Fjórir forstjórar fyrirtækja hafa yfirgefið ráðgjafarnefnd Hvíta hússins um framleiðslu í kjölfar viðbragða Donalds Trumps Bandaríkjaforseta við blóðugum átökum sem brutust út á samkomu hvítra kynþáttahatara í Charlottesville í Virginíu um helgina.
Nafn Scotts Pauls, forseta bandalags um bandaríska framleiðslu, bættist í dag við lista forstjóra sem hafa yfirgefið ráðgjafarnefnd Hvíta hússins um framleiðslu. Hinir þrír eru forstjórar Merck Pharmaceutical, Under Armour og Intel.
Paul skrifaði á Twitter að það hafi verið það rétta í stöðunni og svaraði Trump um hæl að fyrir hvern sem segir sig úr nefndinni séu margir sem geta komið í þeirra stað.
For every CEO that drops out of the Manufacturing Council, I have many to take their place. Grandstanders should not have gone on. JOBS!
— Donald J. Trump (@realDonaldTrump) August 15, 2017
Úrsögn Pauls gefur til kynna minnkandi stuðning stórfyrirtækja við stjórn Trumps og eru líkur taldar á því að fleiri munu segja sig úr nefndinni.