Minnkandi vinsældir Macrons

Vinsældir Emmanuels Macron, forseta Frakklands, hafa minnkað verulega undanfarið og er nú svo komið að hann er óvinsælli en forveri hans Francois Hollande var á sama tíma í embættistíð sinni samkvæmt niðurstöðum nýrrar skoðanakönnunar.

Fram kemur í frétt franska dagblaðsins Le Figaro að eftir að hafa verið 100 daga í embætti væru 36% ánægð með verk forsetans samkvæmt könnuninni samanborið við 46% ánægju með störf Hollandes þegar hann hafði verið 100 daga í embætti.

Einnig kemur fram í könnuninni, sem gerð var af fyrirtækinu Ifop, að einungis 23% Frakka telji að Frakkland sé á réttri leið samanborið við 45% í ágúst 2007.

• 1 blogg um fréttina

Bloggað um fréttina

• Jóhann Elíasson: NÚ ERU FRAKKAR AÐ ÁTTA SIG Á AÐ ÞEIR "KEYPTU …