Bill Cosby án lögfræðiteymis
Setja bókamerki
Bill Cosby þarf að ráða nýtt lögfræðiteymi eftir að annar verjandi hans dró sig út úr komandi réttarhöldum yfir grínistanum.
Angela Agrusa, sem var hluti af teyminu, hefur lagt fram beiðni um að hún verði ekki hluti af réttarhöldunum. Hún mun þó áfram starfa fyrir Cosby, sem er sakaður um kynferðisbrot.
Áður hafði Brian McMonagle, aðalverjandi Cosby og mikilsmetinn lögfræðingur, hætt störfum í byrjun ágúst. Engar ástæður voru gefnar upp vegna brotthvarfs hans.
Talsmaður Cosby hefur staðfest að grínistinn, sem er áttræður, hafi enga verjendur eins og staðan er núna vegna komandi réttarhalda.
Dómari komst að þeirri niðurstöðu í síðasta mánuði að ný réttarhöld yfir Cosby skuli hefjast 6. nóvember.
Fyrri réttarhöldin voru ómerkt eftir að kviðdómendur gátu ekki komist að sameiginlegri niðurstöðu.
„Tíminn er runninn út fyrir Kristján Loftsson“
Allar rúður brotnar hjá Fiskikónginum
Markaðurinn hitnar og leiguverð hækkar hratt
Hjón sluppu með skrekkinn
Segir óábyrgt að skipta út öllu bankaráðinu
Starfsfólk gæti fengið reikning frá Skattinum