Hækka framlög til lögreglu

Stefan Löfven forsætisráðherra Svíþjóðar.
Stefan Löfven forsætisráðherra Svíþjóðar. AFP

Framlög sænsku ríkisstjórnarinnar til lögreglu verða á næsta ári hækkuð um tvo milljarða sænskra króna. Verða heildarframlögin þá alls 7,1 milljarður sænskra króna, sem er hæsta framlag til lögreglu á 21. öldinni að því er fram kemur á vef sænska ríkissjónvarpsins SVT.

Þetta kom fram á blaðamannafundi sem Stefan Löfven, forsætisráðherra Svíþjóðar, og Morgan Johansson, dómsmálaráðherra landsins, héldu í Eskilstuna í dag. Þar sagði Löfven að um væri að ræða viðleitni til að auka öryggi vegna nýlegra skotárása víða um landið.

„Þetta skapar hræðilegt óöryggi fyrir fólk í þessum íbúðarhverfum. Það er ekki ásættanlegt, við verðum að takast á við vandann rétt,“ sagði forsætisráðherrann. Bætti hann við að margar sakamálarannsóknir væru felldar niður og á sumum stöðum furðaði fólk sig á því ef lögreglan kæmi yfir höfuð ef það hringdi. 

Lena Nitz, formaður félags lögreglumanna í landinu, sagði í fréttatilkynningu að um nauðsynlegt framlag væri að ræða. Lögreglumenn hefðu lengi beðið eftir því að ríkisstjórnin brygðist við skorti á fjármagni í stéttinni.

Sagði hún jafnframt að sú staðreynd að ríkisstjórnin hygðist bæta samstarf við lögregluyfirvöld væri mjög mikilvæg. Nitz fagnaði því einnig að hægt yrði að hækka laun lögreglumanna með auknu fjármagni.

Fimm særðust í skotárás í Holma-hverfinu í Mal­mö í síðasta mánuði. Tengdist árásin skipulagðri glæpastarfsemi, en í skýrslu lög­regl­unn­ar um hættu­leg svæði í Svíþjóð er Hol­ma-hverfið skráð sem hættu­legt. Ítrekað hef­ur komið til átaka í Mal­mö und­an­far­in ár en í fyrra lét­ust 11 í skotárás­um í borg­inni. Talið er að um 200 manns teng­ist skipu­lagðri glæp­a­starf­semi þar.

mbl.is

Frá Sýrlandi til Evrópu - Greinaflokkur

Nissan Navara með nýrri vél
Nissan Navara 2008, sjálfskiptur. Dísel. Keyrður 161.000. Búið að skipta um vé...
Getum útvegað allt frá Bretlandi á mun lægra verði........
Getum útvegað allt frá Bretlandi á mun lægra verði sem viðkemur vinnuvélum, trak...
SMEG Gaseldavél
Glæsileg gaseldavél með rafmagnsbakarofni til sölu. Tilboð óskast. Upplýsi...
EKTA PARKETLISTAR - GÓLFLISTAR - GEREKTI
Gegnheilir harðviðarlistar, spónl. gerefti. Facebook>Magnus Elias/Mex bygg S. 84...
 
Utankjörfundaratkvæða- greiðsla uta
Tilkynningar
Utankjörfundaratkvæðagreiðs...
Framhaldssala
Nauðungarsala
Uppboð Einnig birt á www.naudungarsolu...
Opinn fundur
Fundir - mannfagnaðir
Sjálfstæðisflokkurinn í Hafnarfi...
Félagsfundur varðar
Fundir - mannfagnaðir
Vörður - fulltrúaráð sjálfstæðisf...