Vígamönnum fækkar en árásum fjölgar

Maður veifar fána Ríkis íslams. Þrátt fyrir mannfall í röðum ...
Maður veifar fána Ríkis íslams. Þrátt fyrir mannfall í röðum vígamanna hryðjuverkasamtakanna Ríkis íslams hefur árásum þeirra fjölgað. AFP

Þrátt fyrir mannfall í röðum vígamanna hryðjuverkasamtakanna Ríkis íslams hefur árásum þeirra fjölgað. Guardian hefur eftir hryðjuverkasérfræðingum bandarískra stjórnvalda að samtökin hafi lagað sig að breyttum aðstæðum með því að hvetja einstaklinga í auknum mæli til að standa einir að árásum, svonefndum „lone wolf“-árásum.

Í skýrslu sem unnin var af háskólanum í Maryland segir að þó að yfirráðasvæði Ríkis íslams í Sýrlandi og Írak fari minnkandi og vígamönnum þeirra fækki, séu samtökin engu að síður mannskæðustu hryðjuverkasamtök í heimi og að árásum þeirra hafi farið fjölgandi.

7.000 létust í 1.400 árásum 

Liðsmenn Ríkis íslams stóðu fyrir rúmlega 1.400 árásum í fyrra, sem kostuðu rúmlega 7.000 manns lífið. Er það tæplega 20% aukning frá árinu áður samkvæmt hnattrænum hryðjuverkagagnagrunni háskólans. Á sama tíma fækkaði hins vegar árásum hryðjuverkasamtaka um heim allan og dauðsföllum þeim tengdum um 10%

Ríki íslams hefur lýst yfir ábyrgð á hryðjuverkaárásunum í Barcelona og Cambrils á Spáni á fimmtudaginn í síðustu viku, sem kostuðu 15 manns lífið. Þá hefur það einnig lýst yfir ábyrgð á hnífaárás í Rússlandi á laugardag þar sem átta særðust.

Lýstu yfir stuðningi við Ríki íslams og fjölguðu drápum

Guardian hefur eftir háttsettum embættismönnum í bandarísku hryðjuverkalögreglunni að árásirnar í Barcelona og Rússlandi falli vel að breyttri aðgerðaáætlun Ríkis íslams.

Auk ofbeldisaðgerða tengdum innsta kjarna Ríkis íslams í Sýrlandi og Írak stóðu hópar tengdir samtökunum fyrir rúmlega 950 árásum í fyrra, sem kostuðu tæplega 3.000 manns lífið að því er segir í skýrslunni.

Árið 2016 lýstu hópar í Bangladess, Jemen, Líbýu, Afganistan, Pakistan og á Filippseyjum yfir stuðningi við Ríki íslams og fjölguðu í kjölfarið drápum og stóðu fyrir fleiri árásum en árið á undan.

Flest þessara samtaka áttu þegar í átökum, áður en þau tengdu sig Ríki íslams, og er raunar haft eftir einum embættismannanna í skýrslunni að Ríki íslams hafi „notfært sér og rænt“ samtökunum.

Ríki íslams hefur þá hvatt stuðningsmenn sína til að standa einir að árásum, líkt og þeim árásum sem orðið hafa á undanförnum árum í Manchester á Englandi, Orlando í Bandaríkjunum og Nice í Frakklandi.

„Á þessu tímabili urðum við einnig vör við aukinn fjölda stakra árásarmanna,“ sagði Erin Miller, höfundur skýrslunnar.

mbl.is

Frá Sýrlandi til Evrópu - Greinaflokkur

Hauststemmning í Biskupstungum ...
Hlý og falleg sumarhús til leigu alla daga og helgar. Gisting fyrir 6. Heit laug...
Hústjald til sölu
Danskt hústjald Trio Telt af gerðinni Haiti er til sölu. Tjaldið er yfir 30 ár...
Píanó til sölu
Yamaha, 25 ára, hvítt, í góðu ásigkomulagi og nýstillt. Stóll úr beyki fylgir. ...
Tanktaska á Kawasaki KLR 650
Original taska sem aldrei hefur verið sett á hjól. Verð 20þ Upplýsingar í síma ...
 
Fundarboð
Fundir - mannfagnaðir
Kjördæmisráð Sjálfstæðisflokksins ...
Eldri borgarar
Staður og stund
Aflagrandi 40 Það er opin vinnustofa hjá...
Félagsstarf
Staður og stund
Aflagrandi 40 Hjá okkur er opin vinnusto...
L helgafell 6017092019 iv/v
Félagsstarf
? HELGAFELL 6017092019 IV/V Mynd af ...