Sjaldgæf sjón í Sýrlandi
Setja bókamerki
Óvanaleg sjón blasti við íbúum Qara í Qalamun-héraði í Sýrlandi í morgun þegar forseti landsins, Bashar al-Assad, mætti við föstudagsbæn við upphaf Eid al-Adha hátíðarinnar. Frá því stríðið braust út í Sýrlandi árið 2011 hefur Assad varla stigið fæti út úr höfuðborginni, Damaskus.
Í ár hefur hann aftur á móti verið meira áberandi og hefur meðal annars sést til hans í Hama-héraði og í vesturhluta Sýrlands á sama tíma og her hans nær fleiri svæðum á sitt vald að nýju.
Í ríkissjónvarpinu voru birtar myndir af Assad á bæn í bænum Qara sem er skammt frá landamærum Líbanon. Hann sést brosa og veifa til stuðningsmanna sinna inni í mosku bæjarins.
Í síðustu viku náðu hersveitir Assads, þar á meðal liðsmenn Hezbollah frá Líbanon, vesturhluta Qalamun úr höndum vígasamtakanna Ríkis íslams.
Eid al-Adha-fórnarhátíðin er ein helgasta hátíð múslima.
„Þögnin er ærandi“
Kvikan virðist nú skiptast til helminga
Mikil skjálftavirkni á landinu áhyggjuefni
Benda á Samgöngustofu sem bendir út í heim
Markaðurinn hitnar og leiguverð hækkar hratt
„Menn eru bara búnir að forgangsraða“
Stóraukið fé til samgöngusáttmála
Þrjú og hálft ár fyrir skotárás í Úlfarsárdal