Ein stærstu glæpasamtök Kólumbíu sem dreifa fíkniefnum eru reiðubúin að gefa sig fram við stjórnvöld. Juan Manuel Santos, forseti Kólumbíu, greindi frá þessu í dag. Ríkisstjórnin átti fund með leiðtoga Gulf-glæpasamtakanna á sunnudaginn síðastliðinn þar sem hann greindi frá því að „hann væri tilbúinn að gefa sig fram ásamt öllum sínum liðsmönnum.“

Liðsmenn Gulf-glæpasamtakanna eru um 1.800 en hefur fækkað talsvert undanfarið. Í síðustu viku var annar hæstráðandi í glæpasamtökunum tekinn af lífi í aðgerðum yfirvalda.   

Dómsmálaráðherra og ríkislögmaður landsins munu meta tilboðið og næstu skref verða tekin í samræmi við það. Tilkynningin barst á sama tíma og heimsókn Frans páfa til Kólumbíu.   

Fyrir skömmu náðu kól­umb­ísk yf­ir­völd samningi um vopnahlé þjóðfrels­is­herinn ELN sem eru önn­ur stærstu sam­tök upp­reisn­ar­manna í Kól­umb­íu. 

Í des­em­ber síðastliðnum náðist sögu­legt sam­komu­lag kól­umb­ískra stjórn­valda og skæru­liðasam­tak­anna FARC, sem hafa stýrt kóka­rækt­un lands­ins og hagn­ast gríðarlega, þegar kól­umb­íska þingið samþykkt friðarsamn­ing sem stjórn­völd gerðu við skæru­liðasam­tök­in FARC um að binda endi á fimm ára­tuga átök sem hafa kostað 260.000 manns lífið.

Tengdar fréttir

Kólumbía

Játningar böðuls

• Fordæmir áform um launmorð
• Handtóku leiðtoga skæruliða
• Stríðsglæpadómstóll í Kólumbíu
• Óttast framtíð án FARC-liða

» Fleiri tengdar fréttir

• Blogga um frétt