Irma komin til Flórída

Það er bálhvasst í borginni Miami á Flórída þar sem ...
Það er bálhvasst í borginni Miami á Flórída þar sem þessi mynd var tekin fyrr í dag. AFP

Miðja fellibyljarins Irmu, sem er fjórða stigs fellibylur gengur nú yfir suðureyjar Flórídaskaga. Vindhraðinn mælist allt að 58 metrar á sekúndu. Rick Scott, ríkisstjóri Flórída, segist hafa miklar áhyggjur af vesturhluta ríkisins, en því er spáð að Irma ferðist eftir vesturströndinni. 

Búið var að fyrirskipa um 6,3 milljónum íbúa, um fjórðungi alls íbúafjölda Flórída, að yfirgefa heimili sín enda aðstæður lífshættulegar. 

Að minnsta kosti 25 létu lífið þegar Irma fór yfir eyjarnar í Karíbahafi, að því er segir á vef BBC.

Í auga stormsins er fárviðri og búist er við Irma muni lemja af krafti á eyjarnar í Florida Keys næstu tvær klukkustundirnar. Þar var búið að fyrirskipa öllum íbúum að yfirgefa svæðið. Öldur sem skella á land geta náð hátt í fimm metra hæð. 

Fram kemur á vef BBC, að embættismaður hafi líkt því við sjálfsvíg að halda til á eyjunum á meðan Irma færi þar yfir. 

Pallbíll liggur undir tré sem féll í borginni.
Pallbíll liggur undir tré sem féll í borginni. AFP
mbl.is

Frá Sýrlandi til Evrópu - Greinaflokkur

Trúlofunar- og giftingarhringar í úrvali
Auk gullhringa eigum við m.a. hvítagull, silfur og titaniumpör á fínu verði. Dem...
 
Samkoma
Félagsstarf
Samkoma kl. 20 í Kristniboðs- salnum. R...
Skipulag
Tilkynningar
Borgarbyggð Skipulagsauglýsingar Sv...
Samþykkt breyting á deiliskipulagi
Tilkynningar
Samþykkt breyting á deiliskipulagi Da...
L helgafell 6017112219 iv/v
Félagsstarf
? HELGAFELL 6017112219 HogV IV/V M...