Utanríkisráðherra Bangladess segir þjóðarmorð vera framin á Rohingja-fólki í Mjanmar. Tæplega 300 þúsund Rohingjar hafa lagt á flótta yfir til Bangladess undan ofsóknum stjórnarhers Mjanmar.
Stjórnarherinn neitar að stunda ofsóknir í garð Rohingja heldur segist eingöngu vera að uppræta hryðjuverkamenn úr röðum hers Rohingja. Samtök þeirra nefnast The Arakan Rohingya Salvation Army (Arsa) og óskuðu þau eftir vopnahléi í dag og óska einig eftir því að her Mjarnmar geri slíkt hið sama og leggi niður vopn sín. Vopnahléið á að hefjast í dag sunnudag.
Átök á milli þessara hópa hafa aukist mikið undanfarið. Upp úr sauð 25. ágúst síðastliðinn þegar liðsmenn Arsa réðust á lögreglu Mjanmar eftir það hefur verið kveikt í fjölda þorpa Rohingja-fólks.
„Alþjóðasamfélagið segir að þetta sé þjóðarmorð. Við segjum það líka,“ sagði A.H. Mahmood Ali, utanríkisráðherra Bangladess, eftir stuttan fund með opinberum starfsmönnum í borginni Dhaka.
Sameinuðu þjóðirnar sögðu í gær að hjálparsamtök sem aðstoða Rohingja-fólk í flóttamannabúðum í Bangladess þurfi bráðnauðsynlega á 77 milljónir dala að halda til hjálparstarfs.
Ofsóknum í garð Rohingja-fólks hefur verið mótmælt víða um heim.