Breska þjóðin mun fljótlega sjá eftir því að hafa yfirgefið Evrópusambandið. Þetta sagði Jean-Claude Juncker, forseti framkvæmdastjórnar ESB, í ræðu í Evrópuþinginu í dag.

Sagði Juncker þingmönnum að Brexit ætti eftir að reynast ESB sorgleg stund, en að þetta séu þó ekki endalok ESB.

„Brexit er ekki framtíð Evrópu. Það er ekki endir alls,“ sagði Juncker.

Nigel Farage, fyrrverandi leiðtogi UKIP, sem einnig flutti ræðu við setningu Evrópuþingsins í Strassbourg, sagði að Evrópusambandið hefði „ekkert lært“ og að Brexit væri á „fullri ferð áfram“.

Lagði Juncker til við þingsetninguna  að haldin yrði sérstök ESB-ráðstefna í rúmensku borginni Sibiu til að kortleggja framtíð ESB, degi eftir að Bretar ganga úr sambandinu í marslok 2019.

Hvatti Juncker til aukins efnahags- og varnarsamstarfs ríkjanna, m.a. með því að auka stuðning við þau ríki sem enn hafa ekki tekið upp evruna til að gera þeim kleift að ganga í myntbandalagið.

Rifjað hann þá upp ýmsar þær pólitísku og efnahagslegu áskoranir sem ESB hafi tekist á við á undanförnum árum og sagði „Evrópu nú vera með fullan vind í seglum“ sínum.

Hann virti vissulega val Breta að ákveða að segja sig úr sambandinu, en það væri engu að síður sorgleg stund í sögu ESB.

„Við munum alltaf iðrast þessa. Ég held að þið munið líka iðrast þessa bráðum,“ sagði Juncker.

Tengdar fréttir

Brexit

Fríverslunarsamningurinn formlega genginn í gildi

• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar
• Írar fá 135 milljarða Brexit-stuðning

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Juncker vill Stór-Evrópu; martröð segja Þjóðverjar
• Jóhann Elíasson: "ÓSKHYGGJAN Á SÉR ENGIN TAKMÖRK Á ÞESSUM BÆ".......