Hugðust myrða systur sína

Sex liggja undir grun í málinu sem, eftir upplýsingum VG, ...
Sex liggja undir grun í málinu sem, eftir upplýsingum VG, snýst um tilraun til heiðursdráps. Wikipedia

Það var hrein tilviljun að vegfarandi, sem átti leið hjá í norska bænum Oppegård í Akershus, suður af Ósló, í gærdag, gat komið 18 ára gamalli stúlku, með mjög alvarlega áverka, á sjúkrahús í tæka tíð eftir árás sem fimm systkini hennar og móðir eru nú grunuð um að hafa framkvæmt og telur lögregla að einhvers konar vopni eða vopnum hafi verið beitt.

„Áverkarnir eru svo alvarlegir að grunur leikur á að vopn hafi verið notað,“ segir Rikke Hallgren í Austurumdæmi lögreglunnar við norska blaðið VG en eftir því sem blaðið kemst næst eru einhver hinna grunuðu systkina undir lögaldri.

Verjendur tveggja hinna grunuðu hafa tjáð sig við blaðið og segir annar þeirra að skjólstæðingur hans neiti sök og segist fyrst hafa komið á vettvang eftir atburðinn en hinn, sem einnig neitar sök, segist harmi sleginn yfir því sem gerðist og gleðjist yfir því að systir hans sé úr lífshættu.

Öskruðu og rifust hástöfum

Blaðið telur sig hafa heimildir fyrir því að svokallað heiðursdráp hafi verið í uppsiglingu og hafi stúlkan gert eitthvað sem að mati ættingja hennar kastaði rýrð á orðspor fjölskyldunnar. Lögregla vinnur nú að því að útvega túlka svo hefjast megi handa við að yfirheyra hin grunuðu.

Árásin, eða mestur hluti hennar, átti sér stað fyrir utan íbúð fólksins og var fjöldi vitna að henni. Eitt þeirra sagði að fólkið hefði öskrað og rifist hástöfum og annað lýsti því að stúlkan hefði náð að komast frá þeim er að henni sóttu og hlaupið í burtu. „Þetta kemur mér á óvart, ég hef búið hér í hverfinu í rúm 20 ár og aldrei orðið vitni að ofbeldi hér,“ sagði sjónarvotturinn við VG.

Lars Henrik Bøhler, oddviti bæjarstjórnar Oppegård, sagði rétt í þessu í kvöldfréttatíma ríkisútvarpsins NRK að áfallahjálparhópur bæjarins hefði komið saman og vitnum, og öðrum sem á þyrftu að halda, yrði veitt sú hjálp sem framast væri möguleg en NRK fjallar einnig ítarlega um málið á fréttasíðu sinni.

mbl.is

Bloggað um fréttina

Frá Sýrlandi til Evrópu - Greinaflokkur

Höfuðverkur, endalaus þreyta, svefnleysi
Er með til leigu OZONE lofthreinsitæki ( margir kalla þetta JÓNAR tæki ). Eyði...
Kia Ceed 2012 árgerð
Til Sölu Kia Ceed, Dísel Tjónalaus Keyrður 72.xxx km Sjálfskiptur Reyklaust ...
Sumarbústaðalóðir til sölu í Vaðnesi
Til sölu fallegar sumarhúsalóðir með aðgangi að heitu og köldu vatni í vinsælu s...
Rafhlöður fyrir neyðarljós allar gerðir
Með lóðeyrum, vírum eða tengjum. Smíðum allar gerðir af neyðarljósarafhlöðum . N...
 
Framhald uppboðs
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristniboðs- salnum. R...
Skipulag
Tilkynningar
Borgarbyggð Skipulagsauglýsingar Sv...
Félagsstarf
Staður og stund
Aflagrandi 40 Opin vinnustofa kl. 9, for...