Neitaði að afhenda ritgerð í vopnuðu ráni

Lögreglan hafði upp á þjófunum skömmu eftir árásina og handtók ...
Lögreglan hafði upp á þjófunum skömmu eftir árásina og handtók þá. Ljósmynd/Wikipedia.org

Hin 26 ára gamla, Noxolo Ntusi, stofnaði sér í töluvert meiri hættu en nauðsynlegt var, þegar vopnaðir menn keyrðu upp að bíl hennar, rétt við Auckland Park í Jóhannesarborg í Suður-Afríku, opnuðu hurðina og skipuðu henni að afhenda töskur sem hún hafði meðferðis. BBC greinir frá.

Ntusi var með tvær töskur í bílnum og í annarri þeirra var harður diskur sem innihélt nánast fullkláraða meistararitgerð í sameindalíffræði sem hún hafði unnið að í langan tíma. Ef hún hefði ekki skilað ritgerðinni á tilsettum tíma hefði hún þurft að fresta útskriftinni um heilt ár.

Það fannst henni svo skelfileg tilhugsun að hún streittist á móti þegar þjófarnir skipuðu henni að afhenda töskurnar og reyndu að draga út úr bílnum. Annar beindi byssu að höfðinu á henni, en hún Ntusi gaf sig ekki. Eftir að hafa náð nestistöskunni hennar gáfust þeir upp.

„Ég var bara að hugsa um meistaragráðuna mína. Ég er alveg að verða búin með ritgerðina og það kom ekki til greina að ég leyfði þeim að taka hana,“ sagði Ntsui í samtali við BBC. „Ég hnipraði mig bara saman þegar þeir reyndu að draga mig út úr bílnum. Ég gerði mig svo þunga að ég held þeir hafi einfaldlega gefist upp,“ sagði hún um hvernig henni tókst að losa sig við þjófana.

„Mig langar svo mikið að ljúka gráðunni og ég vil gera það núna. Ekkert getur komið í veg fyrir, en þetta var mjög hættulegt, ég geri mér grein fyrir því,“ sagði Ntusi jafnframt. Hún segir viðbrögð sín þó ekki til eftirbreytni og hvetur aðra sem lenda í svipuðum aðstæðum til að bregðast við með öðrum hætti og afhenda það sem beðið er um. „Ef fólk hefur áhyggjur af mikilvægum gögnum þá er alltaf hægt að bjarga því einhvern veginn,“ sagði Ntsui sem lærði af reynslunni og tekur nú afrit af öllu sem hún gerir.

Öryggismyndavélar voru á svæðinu þar sem árásin átti sér stað og náðust myndir af þjófunum. Lögreglan hafði því upp á þeim skömmu síðar og handtók.

mbl.is

Frá Sýrlandi til Evrópu - Greinaflokkur

Viltu auka innkomu þína ? Egat Nuddsteinar og pottur 39.000 kr saman. (basalt nuddsteinar ásamt steinapotti )
Viltu auka business þinn.(Hot Stones) . Hlægilegt verð :Egat Nuddsteinar (Basalt...
Ódýr Ferðanuddbekkur nokkur stk 46.000 www.egat.is
- Hægt að hækka og lækka bak eins og hentar - Ferðataska fylgir ...
Hústjald til sölu
Danskt hústjald Trio Telt af gerðinni Haiti er til sölu. Tjaldið er yfir 30 ár...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
 
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Árskógar 4 Smíðar, útskurður, pappamódel...
Byggðakvóti
Styrkir
ATVINNUVEGA- OG NÝSKÖPUNAR...
Könnun á áformum markaðsaðila
Tilkynningar
Seyðisfjarðarkaupstaður Könnun...