Svipti sig lífi vegna eineltis

Breskur strákur tók sitt eigið líf eftir eitt ár af ...
Breskur strákur tók sitt eigið líf eftir eitt ár af líkamlegri og andlegri misnotkun í raun- og netheimum. AFP

15 ára breskur strákur tók sitt eigið líf eftir að hafa verið lagður í einelti. Foreldrar stráksins, sem hét Brandon Rayat, segja hann hafa orðið fyrir barðinu á eineltisseggjum vegna útlits síns, hann hafi verið mjög aðlaðandi og notið hylli meðal margra stelpna.

Brandon hengdi sig í svefnherberginu sínu eftir að hafa setið undir ofsóknum frá öðrum unglingum sem kölluðu hann barnaníðing og sendu honum skilaboð í gegnum samfélagsmiðla undir dulnefni þar sem þeir hótuðu að nauðga móður hans.

Eftir eitt ár af líkamlegri og andlegri misnotkun í raun- og netheimum gat Brandon ekki hugsað sér að mæta í skólann í heimabæ sínum Leicester og neitaði að yfirgefa heimili sitt af ótta við að mæta gerendum eineltisins. Foreldrar Brandon greina frá þessu í samtali við The Telegraph.

Móðir hans, Mina, hafði sagt upp starfi sínu sem hárgreiðslukona og einbeitt sér að því að aðstoða son sinn. „Gerendurnir komust inn í höfuðið á honum og drógu úr honum allan lífsvilja, þetta var ekki lengur Brandon,“ segir Mina.

Foreldrarnir áttuðu sig á alvarleika málsins þegar Brandon brotnaði niður einn daginn. „Hann kom hlaupandi heim og öskraði í sífellu: „Ég vil deyja, ég vil deyja!“ Ég hafði aldrei séð hann áður svona,“ segir Mina. Í framhaldinu fékk Brandon sálfræðiaðstoð og lauk nokkrum tímum hjá sálfræðingi.

Í skýrslu dánarstjóra sem nýverið kom út er það staðfest að Brandon hafi tekið sitt eigið líf. Foreldrar Brandon hafa gagnrýnt að hann hafi ekki fengið viðeigandi aðstoð í heilbrigðiskerfinu þar sem hann hafi greint sálfræðingi sínum frá því 11 dögum fyrir andlát sitt að hann hefði reynt að fremja sjálfsvíg.

mbl.is

Frá Sýrlandi til Evrópu - Greinaflokkur

Sumarhús – Gestahús – Breytingar O?Fram
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Getum útvegað allt frá Bretlandi á mun lægra verði........
Getum útvegað allt frá Bretlandi á mun lægra verði sem viðkemur vinnuvélum, trak...
www.skutla.com sendibílar 867-1234
Rafknúin tröpputrilla fyrir ísskàpinn, þvottavélina, þurrkarann o.fl. Skutl, vör...
Vönduð vel búin kennslubifreið
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
Eldri borgarar
Staður og stund
Aflagrandi 40 Dagurinn byrjar á opinni v...
L edda 6017091919 i fjhst
Félagsstarf
? EDDA 6017091919 I Fjhst Mynd af au...
Félagsstarf
Staður og stund
Aflagrandi 40 Hjá okkur er opin vinnusto...
Maat á umhverfisáhrifum
Tilkynningar
Mat á umhverfisáhrifum Athu...