Martin Shkrelis, einn hataðist maður Bandaríkjanna, hefur verið dæmdur í varðhald vegna orða sem hann lét falla um hár Hillary Clinton á meðan hann bíður dómsuppkvaðningar í fjársvikamáli.
Dómarinn Kiyo Matsumoto sagði Facebook-færsla Shkelis, sem bauð 5.000 dollara fyrir hár af höfði Hillary Clinton, sýna að almenningi stafaði ógn af honum.
Shkreli komst í fréttirnar þegar hann keypti réttinn á alnæmislyfinu Daraprim og hækkaði verðið fimmtíufalt í einni svipan. Síðan þá hefur hann verið þekktur sem „hataðasti maður Bandaríkjanna.“ Kviðdómur dæmdi hann í síðasta mánuði sekan fyrir stórfelld fjársvik, en hann var hins vegar sýknaður af alvarlegustu ákæruliðunum um samsæri með að hafa sett upp svikamyllu fyrir fjárfesta.
Shkreli birti færslu sína í byrjun þessa mánaðar, um það leiti sem Clinton hóf að kynna bók sína um kosningabaráttuna gegn Donald Trump. Shkreli segir færslu sína, sem búið er að eyða, vera setta fram í kaldhæðni og að hann njóti verndar málfrelsisákvæðis stjórnarskrárinnar.
Dómarinn var á öðru máli og sagði boð hans um fjárgreiðslu fyrir líkamsárás ekki falla þar undir. Shkreli hefur því verið gert að sæta varðhaldi þar til dómur verður kveðinn upp varðandi fjársvikamálið.