Snjóhlébarðinn úr útrýmingarhættu

Snjóhlébarðinn hefur verið tekinn af lista yfir dýr í útrýmingarhættu. Þess í stað er hann kominn á lista yfir dýr í viðkvæmri stöðu.

Alþjóðlegu náttúruverndarsamtökin, IUCN, greindu frá þessari ákvörðun sinni.

Sérfræðingar hafa varað við því að tegundin sé enn í alvarlegri hættu vegna ólöglegra veiða og eyðileggingu heimkynna hennar.

Snjóhlébarðinn, sem heldur sig til í fjöllum Mið-Asíu, var fyrst settur á lista yfir dýr í útrýmingarhættu af IUCN árið 1972, að því er kemur fram í frétt BBC.

Ákvörðunin um að taka dýrið af listanum var tekin af fimm alþjóðlegum sérfræðingum eftir þriggja ára starf.

Einn þeirra var Dr. Tom McCarthy. „Til að vera skilgreind í útrýmingahættu þurfa að vera til færri en 2.500 fullorðins snjóhlébarðar og tala þeirra þarf að lækka hratt,” útskýrði hann.

„Bæði þessi tilvik eru talin mjög ólíkleg, sem eru mjög góð tíðindi en það þýðir ekki að snjóhlébarðar séu óhultir eða að núna sé rétt að fagna.”

Dýr sem teljast í viðkvæmri stöðu þurfa að vera færri en 10.000 og þarf að hafa fækkað í röðum þeirra um að minnsta kosti 10% á þriggja kynslóða tímabili.

AFP

• Blogga um frétt