Ed Sheeran aflýsir líka tónleikum

Ed Sheeran hefur aflýst tónleikum sínum í bandarísku borginni St. Louis vegna ástandsins sem þar ríkir eftir að lögregluþjónn var sýknaður af morðákæru eftir að hafa skotið svartan mann árið 2011 en lögregluþjónninn hafði veitt bifreið mannsins eftirför vegna gruns um fíkniefnasölu.

Frétt af mbl.is

Segist ekki hafa gert neitt rangt

Líkt og greint var frá á mbl.is aflýsti írska rokkhljómsveitin U2 tónleikum sínum sem áttu að fara fram í borginni í gærkvöldi en tónleikar Ed Sheeran áttu að fara fram í kvöld. Í yfirlýsingu frá U2 sagði að hljómsveitin treysti sér ekki til að spila á tónleikum vitandi að öryggisgæsla væri ónóg fyrir viðburð af þeirri stærðargráðu sem tónleikarnir áttu að vera.

• Blogga um frétt