Kim: Trump verður dýrt að hóta N-Kóreu

Kim Jong-un, leiðtogi Norður-Kóreu, sagði Trump munu greiða það dýru ...
Kim Jong-un, leiðtogi Norður-Kóreu, sagði Trump munu greiða það dýru verði að hafa hótað Norður-Kóreu eyðileggingu í ræðu sinni á allsherjarþingi Sameinuðu þjóðanna á þriðjudag. AFP

Kim Jong-un, leiðtogi Norður-Kóreu, hæddi í dag Donald Trump Bandaríkjaforseta og sagði hann „andlega brenglaðan“. Því næst varaði Kim við því að Trump muni greiða það dýru verði að hafa hótað Norður-Kóreu eyðileggingu í ræðu sinni á allsherjarþingi Sameinuðu þjóðanna á þriðjudag.  

Kim skaut hörðum skotum að Trump, sem vakti mikla athygli á þingi Sameinuðu þjóðanna með þeim orðum að Bandaríkin muni „gjöreyðileggja“ Norður-Kóreu, ráðist ríkið á Bandaríkin eða bandamenn þeirra.

Spenna hefur farið stigvaxandi milli Bandaríkjanna og Norður-Kóreu undanfarna mánuði, og herská ræða Trump fylgdi í kjölfar vetnissprengjutilraunar Norður-Kóreu fyrir skemmstu.

„Ég mun láta manninn sem hefur þau forréttinda að vera æðsti yfirmaður Bandaríkjanna greiða ræðu sína dýru verði, fyrir að kalla til gjöreyðingar Norður-Kóreu,“ hefur norður-kóreska ríkisfréttastofan KCNA eftir Kim.

Kim, sem Trump hæddi með  því að kalla hann „eldflaugamanninn“ dró þá geðheilsu Trump í efa og sagði þá hegðun hans að nýta allsherjarþing Sameinuðu þjóðanna til að lýsa yfir vilja til að gjöreyða öðru ríki, vera til vitnis um andlega brenglun.

AFP-fréttastofan segir yfirlýsingu Kim gefa í skyn að hann ætli ekki að láta viðskiptaþvinganir alþjóðasamfélagsins stöðva frekari kjarnorkutilraunir ríkisins.

mbl.is

Frá Sýrlandi til Evrópu - Greinaflokkur

Hagerty kristal spray
Hagerty kristal spray Slovak Kristal, Dalvegi 16 b, s. 5444333...
Sangyong Rexton 2006
7 manna, dökkar rúður, krókur, ssk, dísel, ekinn 200 km, Verð 990.000 Skoða ...
Akureyri - Vönduð íbúðagisting
Vel útbúnar og rúmgóðar íbúðir. Uppábúin rúm fyrir sjö manns, handklæði og þráðl...
 
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...
Onrs- 2017- 19 ræstingaþjónusta
Tilboð - útboð
/ 14.12.2017 Útboð Orka náttúrunna...
Framhald
Nauðungarsala
Uppboð Einnig birt á www.naudungarsolu...
Aðalfundur
Fundir - mannfagnaðir
Aðalfundur Skúlagarðs hf. vegna reikn...