Trump sendir þingmönnum tóninn
Setja bókamerki
Donald Trump Bandaríkjaforseti sendir þeim öldungadeildarþingmönnum Repúblikanaflokksins tóninn sem ekki styðja afnám Obamacare. Í ræðu sem forsetinn hélt í Alabama í dag segir hann þingmenn flokksins, sem setja sig gegn áformum forsetans og annarra repúblikana um afnám heilbrigðislöggjafarinnar sem sett var í tíð Baracks Obama, skorta hugrekki til að kjósa um afnám.
John McCain, öldungadeildarþingmaður flokksins, lýsti því yfir í gær að hann gæti ekki með góðri samvisku stutt afnám Obamacare sem var mikið högg fyrir forsetann og aðra helstu andstæðinga Obamacare. Var það í annað sinn sem McCain kom heilbrigðislöggjöfinni til bjargar.
Forsetinn segir afstöðu McCain hafa verið bæði „óvænta“ og „skelfilega.“
„Ég fékk lista yfir tíu manns sem eru algjörlega mótfallnir þessi,“ sagði forsetinn og vísaði þar til afnáms Obamacare. „John McCain var ekki á listanum svo það kom fullkomlega á óvart, skelfilegt alveg, virkilega skelfilegt,“ sagði hann og bætti við að á endanum muni það takast að nema heilbrigðislöggjöfina á brott og ný lög taki gildi í staðinn.
Hvert einasta atkvæði þingmanna repúblikana um afnámið skiptir sköpum til að áform forsetans nái fram að ganga en demókratar hafa sameinast í andstöðu sinni við áform forsetans og standa vörð um Obamacare. Andstaða McCain gæti gert út af við áralanga atlögu íhaldsmanna að heilbrigðislöggjöfinni sem kennd er við Barack Obama.
Telur forsendur fyrir vaxtalækkun
Handteknir eftir myndatöku í Vesturbæjarlaug
Kostnaður meiri en milljón á fermetra
Krefjast stöðvunar framkvæmda
Banna mengandi búnað sem leyfður er á Íslandi
Vélsleðaslys: Þyrlan kölluð út á mesta forgangi
Æskuvinur Íslendings myrtur í Noregi
Skiptir miklu meira máli en fólk grunar