Beittu sleggju og hafnaboltakylfu

Vopnuð sérsveit leitar manna sem réðust á ökumann bifreiðar vopnaðir ...
Vopnuð sérsveit leitar manna sem réðust á ökumann bifreiðar vopnaðir sleggju og hafnaboltakylfu. Myndin er úr safni. Ljósmynd/Norska lögreglan

Lögreglunni í Vestfold í Noregi, suðvestur af Ósló, barst óvenjuleg tilkynning klukkan 07:52 í morgun (05:52 að íslenskum tíma) þegar maður nokkur hafði samband og tilkynnti að hann hefði ekið bifreið sinni út í skurð þegar hann reyndi að forða sér frá árásarmönnum sem stukku út úr annarri bifreið og brutu hliðarrúður og framrúðu bifreiðar hans með sleggju og hafnaboltakylfu.

Forsaga málsins er sú að sonur mannsins hringdi í hann og tilkynnti að hann sæti fastur á vegi skammt frá Hvarnes í fylkinu Vestfold eftir að óþekktir aðilar höfðu fellt tré beggja vegna bifreiðar hans og þannig hindrað för hans.

Faðir mannsins ók þegar á vettvang og kom þá að Volkswagen-bifreið með pólskum skráningarnúmerum sem þegar var ekið á brott. Hann veitti bifreiðinni eftirför og hafði samband við lögreglu sem strax sendi bifreið á vettvang.

Eftir nokkurra kílómetra akstur nam VW-bifreiðin staðar og út úr henni stukku tveir menn, annar með sleggju og hinn með hafnaboltakylfu. Veittust þeir umsvifalaust að ökumanninum sem veitt hafði þeim eftirför og brutu hliðarrúður og framrúðu bifreiðar hans. Varð manninum svo um að hann ók bifreið sinni út af veginum og ofan í skurð til að komast undan.

„Við erum búnir að finna bifreið árásarmannanna en ekki þá sjálfa,“ sagði Øystein Eikedalen, aðgerðastjóri lögreglunnar í Vestfold, í stuttu samtali við mbl.is nú fyrir skömmu. „Við höfum ekki hugmynd um hvað þeim gekk til en vopnuð sérsveit leitar þeirra nú,“ sagði Eikedalen enn fremur.

Ökumanninum sem ráðist var á var eðlilega mjög brugðið, eins og dagblaðið VG greinir frá nú í morgun, en þeir feðgar sluppu báðir ómeiddir frá árásarmönnunum.

mbl.is

Frá Sýrlandi til Evrópu - Greinaflokkur

hreinsa þakrennur
Hreinsa þakrennur fyrir veturinn, ryðbletta þök og tek að mér ýmis smærri verkef...
LOFTASTIGAR - PASSA Í LÍTIL OG STÓR OP
Tvískiptir eða þrískiptir fyrir allt að 300 cm hæð Mex ehf á Facebook > Mex byg...
Yamaha Fz1-S árg 2008. 1000cc. 150 hö
Skemmtilegt hjól með þægilega ásetu. Afar vel með farið. Er á óslitnum Michelin ...
 
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Eldri borgarar
Staður og stund
Aflagrandi 40 Hjá okkur er opin vinnusto...
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Opin vinnustofa kl. 9 og s...