Sætavísir stöðvaði byssumann

Fulltrúi lögreglunnar í Nashville svarar spurningum fjölmðla um skotárás sem ...
Fulltrúi lögreglunnar í Nashville svarar spurningum fjölmðla um skotárás sem átti sér stað í borginni í gær. AFP

22 ára gamall sætavísir sýndi mikla hetjudáð þegar hann stöðvaði byssumann í kirkju í Nashville í Tennessee í gær.

42 manns voru í kirkjunni þegar grímuklæddur maður réðst þar inn og hóf skothríð. Robert Caleb Engle, sætavísir í Bru­nette Chap­el Church of Christ-kirkj­unni í Anti­och, réðst á byssumanninn með þeim afleiðingum að hann skaut sjálfan sig  í bringuna. Engle greip svo til sinna ráða og hljóp út í bíl sinn og náði í byssu sem hann geymdi þar og stóð yfir byssumanninum þar til lögreglan kom á staðinn. Meirihluti kirkjugesta var yfir sextugu.

Einn lést í árásinni og sex slösuðust, en manntjónið hefði getað orðið miklu meira, að sögn kirkjugesta. Bys­sumaður­inn var fluttur særður á sjúkra­hús og hefur verið ákærður fyrir morð.

„Það virðist sem hann hafi ekki búist við hetjudáð eins og sætavísirinn sýndi þegar hann átti frumkvæði af átökum við byssumanninn,“ segir talsmaður lögreglunnar í Nashville í samtali við BBC.

Engle hefur sent frá sér yfirlýsingu vegna árásarinnar þar sem hann segist ekki vilja eigna sér hetjudáðina. „Alvöru hetjurnar eru lögreglan, þeir sem brugðust fyrst við og heilbrigðisstarfsfólkið og læknarnir sem hjálpuðu mér og öllum sem urðu fyrir árásinni,“ segir Engle.

mbl.is

Frá Sýrlandi til Evrópu - Greinaflokkur

www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
Kaupum brotagull og -silfur
Kaupum eðalmálma til endurvinnslu hér heima. Kíkið á heimasíðu okkar þar sem FAS...
Rexton 2016. Á frábæru verði 3,990,000-
Vorum að fá inn SSangyong Rexton 2016 ekinn 50þús km, sjálfskiptur. Bíll byggðu...
SÆT ÍBÚÐ TIL LEIGU Í VENTURA FLORIDA
GOLF & SÓL . Vel búin & björt 2 svh & 2 bh íbúð á 18 holu golfvallarsvæði. 2 sun...
 
Styrkir virk
Styrkir
Styrkir VIRK Virk starfsendurhæfingar...
Stella bankastræti 3 óskum eftir starf
Afgreiðsla/verslun
Bankastræti 3 Óskum eft...
Framhald
Nauðungarsala
Uppboð Einnig birt á www.naudungarsolu...
Leiðsögumaður
Ferðaþjónusta
Leiðsögumaður óskast Glacier Adventure...