Yfirvöld Indónesíu eru í viðbragðsstöðu og viðbúin því að láta snúa við öllum flugvélum á leið til eyjarinnar Balí fari svo að eldfjallið Agung fari að gjósa. Fjallið byrjaði að láta á sér kræla í ágúst og hafa tíðir jarðskjálftar mælst síðan þá. Þeim hefur hins vegar fækkað og þeir orðið dýpri og kröftugri á síðustu dögum, sem bendir til þess að gos gæti hafist á hverri stundu. AFP-fréttastofan greinir frá.

Balí er vinsæll viðkomustaður ferðamanna og er Agung í um 75 kílómetra fjarlægð frá ferðamannastaðnum Kuta á eyjunni. Eldgos myndi hafa veruleg áhrif á ferðamenn og þjónustu við þá.

Frétt af mbl.is

Yfirgnæfandi líkur á eldgosi á Balí

Yfir 80 þúsund manns hafa nú þegar flúið heimili sín í grennd við fjallið en yfirvöld hafa hvatt fólk til að vera í að minnsta kosti tólf kílómetra fjarlægð frá fjallinu. Hæsta viðbúnaðarstigi hefur verið lýst yfir á svæðinu en fjallið hefur ekki gosið í yfir 50 ár.

Frétt af mbl.is

Íbúar fluttir á brott á Balí

Ástandið hefur enn ekki haft áhrif á flugvellinum í Denpasar, höfuðborg Balí, en yfirvöld í nokkrum löndum, þar á meðal Ástralíu og Singapúr, hafa varað fólk við ferðalögum til Balí.

Fari að gjósa verður flugvélum beint til nærliggjandi flugvalla, til að mynda í Lombok eða Jakarta, höfuðborg Indónesíu. Jafnvel getur komið til þess að þeim verði snúið til baka til þess flugvallar sem þær koma frá. Flugfélög fylgjast vel með stöðunni og 100 rútur eru tilbúnar við flugvöllinn í Denpasar fari að gjósa.

Frétt af mbl.is

„Við erum sultuslök“

Tengdar fréttir

Eldgos á Balí

Öllu flugi frá Palma aflýst

• Enn gýs Agung
• Opna flugvöllinn á Balí á ný
• Fólk farið að ganga með grímur
• Bjarmi frá hrauni á tindi eldfjallsins

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Vegna reynslunnar af gosunum 1982, 2010 og 2011.