Eyja í Kyrrahafi rýmd vegna eldgoss

Eldgos er hafið í eldfjallinu Manaro Voui á eyjunni Ambae ...
Eldgos er hafið í eldfjallinu Manaro Voui á eyjunni Ambae í eyríkinu Vanuatu. AFP

Allir 11.000 íbúar eyjunnar Ambae í eyríkinu Vanuatu hafa verið fluttir á brott af heimilum sínum vegna eldgoss í eldfjallinu Manaro Voui.

Miklar drunur hafa borist frá fjallinu síðustu daga sem hóf svo að gjósa um helgina. Gosinu fylgir þónokkur aska.

6.000 íbúar Ambae höfðu verið fluttir í öruggt skjól annars staðar á eyjunni fyrr í vikunni, en nú hafa yfirvöld hafist handa við að koma öllum íbúunum á nærliggjandi eyjar. Búist er við að því verði lokið á morgun.

Þetta er í fyrsta sinn sem allir íbúar eyjunnar þurfa að yfirgefa hana vegna náttúruhamfara, sem eru þó alls ekki sjaldgæf á þessu svæði. Vanuatu sit­ur á „Kyrrahafs-eld­hringn­um“, svæði þar sem jarðskjálft­ar og eld­gos eru tíð vegna hreyf­inga á fleka­mót­um.

Manaro Voui gaus síðast árið 2005. Þá þurftu um 5.000 manns að yfirgefa heimili sín.

Miklar jarðhræringar eru á eldhringnum í Kyrrahafi þessa stundina. Eldfjallið Agung á Balí byrjaði að láta á sér kræla í ágúst og hafa tíðir jarðskjálftar mælst síðan þá. Yfirvöld í Indónesíu hafa lýst yfir hæsta mögulega viðbúnaðarstigi vegna yfirvofandi eldgoss í fjallinu.

mbl.is

Frá Sýrlandi til Evrópu - Greinaflokkur

NP Þjónusta Tek að mér bókanir og umsjá
NP Þjónusta Tek að mér bókanir og umsjá breytinga. Hafið samband í síma 649-6134...
Volvo Penta kad 32 til sölu
Volvo Penta kad 32 170 hp með dp drifum árg. 2000. Vélar í toppstandi, gangtímar...
peningaskápur eldtraustur með nýjum talnalás
peningaskápur til sölu nýr talnalás. kr.45,000,- uppl. 8691204 Br,58cm Hæð...
 
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...
Álagning vanrækslugjalds
Nauðungarsala
Sýslumaðurinn á Vestfjörðum Auglýsin...
Stella bankastræti 3 óskum eftir starf
Afgreiðsla/verslun
Bankastræti 3 Óskum eft...
Samkoma
Félagsstarf
Söngsamkoma kl. 20 í Kristni- boðssalnu...