Hömlum á flutningum til Púertó Ríkó aflétt

Eyðileggingin á Púertó Ríkó er mikil. Mikil fjöldi þeirra 3,4 …
Eyðileggingin á Púertó Ríkó er mikil. Mikil fjöldi þeirra 3,4 milljónum manna sem búa á eyjunni eru en án rafmagns, drykkjarvatns og annarra nauðsynja. AFP

Donald Trump Bandaríkjaforseti hefur aflétt hömlum á skipaflutningum til Púertó Ríkó til að flýta fyrir því að neyðaraðstoð berist íbúum eyjarinnar, sem varð illa fyrir barðinu á fellibylnum Maríu í síðustu viku.

Greint var frá því að Twitter-síðu Hvíta hússins að Trump hafi heimilað að undanþága verði veitt frá nefndum Jones lögum í tilfelli Púertó Ríkó.

Yfirvöld á eyjunni höfðu áður þrýst á bandarísk stjórnvöld að  gera slíkt, en lögin takmarka skipaflutninga milli stranda landsins og þeirra skipa sem sigla undir bandaríska fánanum.

Mikill skortur er á eldsneyti, drykkjarvatni og lyfjum á Púertó Ríkó eftir eyðilegginguna sem fylgdi í kjölfar Maríu, sem er öflugasti fellibylur til að fara yfir eyjuna í ein 90 ár.

Tæknimaður hjá símanum reynir að gera við símalínu í Punta …
Tæknimaður hjá símanum reynir að gera við símalínu í Punta Santiago í Púertó Ríkó. AFP

BBC segir bandarísk alríkisyfirvöld og Bandaríkjaher nú leggja aukin kraft í hjálparstarf sitt eftir að umfang vanda Púertó Ríkó varð ljóst. Mikil fjöldi þeirra 3,4 milljóna manna sem búa á eyjunni eru enn án rafmagns, drykkjarvatns og annarra nauðsynja. María tók út rafmagnskerfi allrar eyjunnar og olli verulegum skaða á vatns- og affallskerfinu.

Erfitt hefur reynst að koma hjálpargögnum til margra þar sem vegir eru margir ófærir vegna fallinna trjáa og flóðavatns.

Ricardo Rossello, ríkisstjóri Púertó Ríkó, hefur sagt eyðilegginguna náttúruhamfarir án fordæmis. 

mbl.is
Fleira áhugavert
Fleira áhugavert