Vladimír Pútín, forseti Rússlands, vottaði Bandaríkjunum samúð sína í yfirlýsingu sem hann sendi Hvíta húsinu vegna fjöldamorðsins í Las Vegas.
„Grimmd þessa glæps sem hefur orðið tugum friðsamra óbreyttra borgara að bana er sláandi,“ sagði Pútín í yfirlýsingunni.
Hann vottaði einnig fjölskyldum fórnarlambanna samúð sína.
Að minnsta kosti 58 manns eru látnir og yfir 500 eru særðir eftir árásina.